حوادث

خطيب قاتلة صديقتها: مليش دعوة.. ورواد مواقع التواصل: انكتب لك عمر جديد

الأحد 08/أغسطس/2021 - 11:57 ص

محمد على

قال أحمد فؤاد الجميل، خطيب نورهان قاتلة صديقتها بمول بمدينة كفر الدوار بمحافظة البحيرة، إنه ليس له علاقة بما قامت به خطيبته من قتل صديقتها.

وأشار فى مقطع فيديو إلى أنه موجود داخل منزله قائلًا: "أنا قاعد في بيتي مليش علاقة بالموضوع لا من قريب ولا من بعيد وبشكر كل الناس اللي سألت عليا".

تفاعل مواقع التواصل

وتفاعل رواد مواقع التواصل مع الفيديو وجاءت تعليقاتهم كالآتي :"ربنا نجدك منها وربنا يعوضك ويرزقك الزوجه الصالحة احمد ربنا يابني ربنا يحفظك- الحمدلله انها عديت على خير وإن ربنا بيحبك إنه بعدك عن الشيطانة دي وربنا خلصك منها وأكيد ربنا كتبلك خير وانت تستاهل كل خير - ربنا يعوض عليك ويرزقك ببنت الحلال اللي تستهلك- ربنا بيحبك والله يا ابنى واضح إنك مخلص وقريب من ربنا عشان كده أنقذك ربنا يعوضك خير الجزاء- ربنا بيحبك والله ونجاك منها ومن شرها إن شاء الله ربنا يعوضك باللي شبهك- لا حول ولا قوة الا بالله العلي خسرت انسان محترم زيك وخسرت صاحبتها أعوز بالله من شر النفس والشيطان- إنت المفروض تسجد لربنا شكر أنه نجاك من واحده زى دي. إنت لو فكرت قدام شويه كان ممكن يحصل إيه كان ممكن تكون ضحيه غدر زى الله يرحمها نجلاء- كفايه كلام سيئ عنها هي فعلا غلطت ومفيش مبرر للقتل وهتاخد عقباها بس بلاش غلط في الأهل ملهومش ذنب للتهزيق ده كله ويمكن هي ضعفت لحظة شيطان مش كلنا ملايكه".

كانت الأجهزة الأمنية بقطاع الأمن العام، تمكنت من كشف لغز العثور على جثة " نجلاء نعمة الله" 25 عامًا، سكرتيرة عيادة مقتولة داخل سفير مول بشارع بورسعيد بمدينة كفر الدوار بمحافظة البحيرة.