احذري.. «لو ابنك بيهز جسمه لورا وقدام أثناء المذاكرة»

حذرت الدكتورة أميرة يوسف؛ استشاري طب نفسي أطفال؛ الآباء من هز الأطفال لجسمهم للأمام والخلف أثناء المذاكرة كما يحدث في دور الكتاب وتحفيظ القرآن.

وأوضحت، تدلل هذه الحركة على محاولة للحفظ بدون استعمال الجزء المسؤول عن الفهم في المخ، وذلك في منشور نشرته على صفحتها الرسمية على الفيس بوك.

وأكدت "يوسف" أن هذه الحركة لها أصل طبي: "هل الحركة ديه ليها أصل في الطب؟، أحب أقول لكل الناس اللي سألتني إن الإجابة (أيوه و نعم) الحركة بتاعة (التلامذة اللي في الكتُّاب) خلاصة شغل الأذن الداخلية، ربنا خالق الأذن بطريقة غاية في الروعة".

وأضافت أميرة " الأذن عبارة عن ٣ أجزاء (خارجية، ووسطى وداخلية) ووظيفة الأذن مش بس السمع ده ليها وظايف تانية كتير، لما بنحرك جسمنا قدام وورا وإحنا قاعدين الأذن الداخلية بترسل إشارات للجزء المسؤول عن الحفظ أنه يصحصح ويشتغل جامد".

وأشارت "يوسف" أن هذه الحركة تساعد على الحفظ القوي فيما أسمته (حشر المعلومات)، ناصحة الأم بـ ضرورة مراقبة سلوكيات الأطفال: "أهم من إني أحفظ طفلي أي حاجة إني أراقب سلوكياته وحركاته لما بيتلقي المعلومة، عشان هدفي الأول والأخير هو الفهم والتطبيق، هو ده التعليم بجد".

اقرأ أيضًا..

منها التجاهل.. نصائح مهمة للتعامل مع طفلك الزنان