بدون أدوية.. 3 أطعمة يمكن أن تساعد في علاج الغثيان
التصالح مع النفس.. خطوات بسيطة للوصول إلى السعادة | فيديو
أكد عمرو منتصر كاتب واستشاري علاقات إنسانية، أن العلاقات ثلاث؛ أولها علاقة الإنسان بنفسه ثم علاقته بربه ثم علاقته بالآخرين.
وأوضح منتصر، أن علاقة الإنسان بالآخرين، تشمل شريك الحياه والأهل والأصدقاء والزملاء.
وبين أن علاقه الإنسان بنفسه هي أهم علاقه؛ لأن "الإنسان لو كانت علاقته بنفسه مش كويسة هيبتدي يفقد ثقته بنفسه، وبالتالي مش هيحس بالسعادة ولا الرضا، ومش هيسمع الأوامر والنواهي اللي ربنا قالهاله
إلا لو كان في بينه وبين نفسه تصالح".
تصالح الإنسان مع نفسه
وأضاف أن "تصالح الإنسان مع نفسه هو اللي بيصلح
علاقتة بالناس، لكن ساعات الواحد فينا بيحس إن في حاجه ناقصاه؛ بسبب سرعة الحياة
فكل واحد فينا واخد الـ24 قيراط بتوعه بس بتقسيمه مختلفة".
وقال، إنه "مش شرط عشان الباب ده مقفول إنك تيأس؛ لأن ساعات ربنا بيقفل في وشك الباب ده عشان تلف وتعدي من جنبه للباب اللي وراه اللي هو أصلًا فيه مكمن سعادتك".
وأكد علي أن الإنسان إذا آمن وتيقن بأن قضاء
الله وقدره فيه كل الخير والسعادة والرضا حتى وإن خالف القدر رغباتك الشخصية، سيشعر
بالسلام التام.
