أخبار وتقارير

حلا شيحة تهاجم تامر حسني بسبب كليب بحبك: أنا تبت من المشاهد دي

الخميس 15/يوليه/2021 - 10:38 ص

شنت الفنانة حلا شيحة هجومًا علي الفنان تامر حسنى بعد تجاهله لها وطرحه فيديو كليب “بحبك” من فيلم “مش أنا”، والذي يتضمن مشاهد رومانسية تجمعه بها، رغم أنها نشرت عبر صفحتها الشخصية منشورًا كشفت فيه تبرؤها من العمل في الوقت الراهن.

أنا اتفاجئت جدًّا بنزول كليب

وكتبت حلا شيحة عبر حسابها بموقع انستجرام مهاجمة تامر حسني: "أنا اتفاجئت جدًّا بنزول كليب يجمع فيه مشاهد متفرقة من الفيلم وخصوصًا بعد آخر بوست نزلته ووضحت فيه أنا إيه.. واتفاجئت أكتر خصوصًا بعد وعد تامر حسني ليا وتأكيده إنه هیحترم رغبتي وبعض الطلبات اللي طلبتها منه بكل احترام وود الصيف اللي فات، وأکدلي إنه هيحترم رغبتي".

وأضافت حلا شيحة: "إحنا يمكن نجحنا بمقاييس الدنيا بس صدقوني بمقايیس ربنا إحنا لم ولن ننجح، أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح، بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي.. دي كانت زلة نتيجة ظروف مريت بيها، وكلنا بنغلط ولازم نغلط علشان إحنا بشر، بس المصيبة اننا بنغفل وننسى".

أنا تبت من المشاهد دي

وتابعت حلا شيحة : "أنا مش هتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي هينفعنا مش الشهرة ولا النجاح، لا هو مش نجاح أصلًا علشان النجاح الحقيقي حاجة تانية خالص، إحنا أغلبنا ناسينها إلا القليلين منا، الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن".

وأكملت حلا شيحة :"إحنا كلنا عندنا امتحان في الدنيا دي وحابة أفكرك بالفيديو ده یا تامر اللي قولت فيه أنا مش بتمني أموت وأنا مطرب أنا دايمًا خايف کده.. كلام أكيد قولته في لحظة صدق جواك وجوانا كلنا، شوفه تاني يمكن يفكرك إن جواك أكيد في صراع وأنا وكلنا بنغلط بس المهم في الآخر نتدارك الغلط ونصلح .(إلا من تاب وآمن وعمل عملا صالحا فأولئك يبدل الله سيئاتهم حسنات وكان الله غفورًا رحيمًا).. الله على كلام الله وجماله، يا سلام لو أصواتنا ومواهبنا كلها نستعملها في الخير عشان يبقى فن بجد".