حوادث

«عايش أحلى عيشة».. لمياء ترد على دعوى نشوز: «سيبته يتجوز غيري»

الإثنين 05/يوليه/2021 - 04:42 م

هاجر الصباغ

«الحق عليا إني سيبته يتجوز غيري».. بهذه الكلمات وقفت الزوجة «لمياء. ع» ترد على دعوى النشوز التي أقامها ضدها زوجها «حسني. غ»، أمام محكمة الأسرة في إمبابة.

سعادة زوجية

وقالت الزوجة «لمياء. ع»، في الدعوى التي حملت رقم 7890 لعام 2021، إنها تزوجت منذ حوالي 10 أعوام عاشت فيهم مع زوجها تخدمه وترعاه وتسعى بكل جهدها إلى توفير الراحة والحنان له؛ حيث إنها كانت تؤدي ما يقدرها الله عليه من أجل إسعاده.

وأضافت: «مفيش مرة إلا ووقفت جنبه فيها، كنت بعمل كل حاجة عشان أرضيه وأرضي رجولته ومشاعره، يعني مثلًا كنت بعمله جو رومانسي يرجع من الشغل يلاقيني محضراله الشموع والأكل والعصير وياخد حمامه وعايش أحلى عيشة».

العقم

وتابعت: «رغم كل ده طلب مني إنه يتجوز عليا عشان أنا مش بخلف، وبسبب الموضوع ده وافقت عشان يعيش سعيد ومبسوط، وقولتله يا حبيبي أنا عمري ما هكرهك أنا آسفة إني مش عارفة أجيبلك الطفل اللي أنت نفسك فيه، فاتجوز وربنا يرزقك بالطفل اللي أنت بتحلم بيه».

الزواج الثاني

وأشارت إلى أنها رغم كل ما ضحت به من أجل إسعاده إلا أنه بدأ في ممارسة أعمال العنف ضدها منذ أول يوم تزوج فيه ضرتها، بالإضافة إلى أنه طردها عدة مرات من بيته، وكان يضربها بأقوى درجات العنف، وحينما تذهب إلى بيت أهلها يعيدونها إليه مرة أخرى.