بملعقة واحدة.. 6 فوائد للعسل تحدث في جسمك لن تصدقيها.. ما هي؟
خدمة حماتي.. داعية: «خراب بيوت».. وسيدات: «الدنيا دواره.. وبنعمل بأصلنا»
الخميس 24/يونيو/2021 - 11:42 م
راما احمد
. على مر العصور تُعد خدمة الحموات ملفًا شائكًا، ما بين القبول والرفض تُعبر السيدات عن كون هذه الخدمة إما أمر واقع خاصة إذا كانت الحماة شخصية متسلطة، أو واجب وذلك يرجع إلى نشأت الزوجة، وزاد الأمر نارًا بعد حديث الشيخ محمد أبو بكر، الداعية الإسلامي والذي قال «خدمة الست لبيت جوزها خراب الكثير من البيوت».
سيدات: "ده مش خراب.. دي قلة أدب"
قالت أم البنين: "مفيش حاجه اسمها بخدمها أو خدامه فيه حاجه اسمها أن أنا خرجت من بيت أهلى اللى هما بابا وماما واخواتى، علشان أروح أعيش مع أهلي اللى هما بابا وماما واخواتى برضوا.. زى ما كنت بعامل ماما هعاملها.. وزى ما ماما ليها حقوق عليا حماتى بردوا كذلك ليها حقوق عليه".كما قالت مروة الراعي: طبعا مش إجباري بس ده من الذوق.. وزى ما براعي أمى أراعي حماتى واعتبرها زى أمى"، لايختلف الأمر كثيرًا عن انجي محمود، إنها تخدم والدة زوجها منذ سنوات ولا تشعر فيها بأي إهانه بالعكس، زاد ذلك من احترامها في عيون زوجها.
كما قالت راجية الجنة: "فعلا مش مجبرة بس من الرحمة والحب والود وأنها أم الزوج تساعدها باللي تقدر عليه في حدود ظروفها، وكما تدين تدان".
وتحكي ندى ناصر: "مريت بنفس الظرف وكنت بحس بضيق وخنقه بس امى دايما تقولى اعملى الخير وارميه البحر وهتلاقيه فى عيالك والحمد لله ربنا عوض صبري خير رغم انى نفسيا مبحبهاش بس اقسم بربى ما بتبطل تدعى لزوجى وأولادي عشان مش حرماها من حاجه ولا مقصره معاها فى حاجه الكبار بركه البيت والله ما هتعرفى قيمتها غير لما تموت لانى معرفتش غلاوه حمايا ولا اهميته فى حياتنا غير بعد ما مات احتسبى الأجر عند الله واعتبريه زكاة عن صحتك".
فوزية عامر، قالت: "لو واحدة زوجها مش فاضي وبيروح شغله من الصبح بيجي المغرب مثلًا وحماها وحماتها بلغوا من الكبر عتيا هنسيبهم للكلاب تاكلهم ولا إيه؟".
وتابعت: شرعا مش فرض علي الزوجة خدمة والدة الزوج.. لكن ذلك من الكرم والأخلاق والأصل.. لو غريب بتساعده فما بالك بأهل بيتك؟".
