فوائد حمض الجليكوليك للبشرة والشعر وطرق إستخدامه
نجلاء في دعوى خلع: «بقالي 14 سنة عايشة معاه في الحرام»
الخميس 17/يونيو/2021 - 07:05 م
هاجر الصباغ
"بقالي 14 سنة عايشة معاه في الحرام".. بهذه الكلمات بدأت الزوجة "نجلاء.ع" روايتها أمام محكمة الأسرة في بني سويف في دعوى الخلع ضد زوجها "هاني.ت".
وقالت الزوجة "نجلاء. ع"، في الدعوى التي حملت رقم 3308 لسنة 2021، إنها تعيش مع زوجها في منزل الزوجية منذ 14 سنة في الحرام، وذلك بسبب أنه ألقى يمين الطلاق عليها أكثر من 50 مرة.
وأضاف الزوجة: "كل بيت في مشاكل، ومع كل مشكلة مهما كانت تافهة ولو حتى بسبب كوب شاي يلقي يمين الطلاق عليّ، ويقولي متخافيش يا حبيبتي أنا روحت للشيخ وهو قالي عادي مفيش مشكلة، الزواج لسه شغال، واحنا هنكمل مع بعض، وأوعدك إني هعمل كل اللي يرضيكِ، ومش هعمل كده تاني".
وتابعت: "حاسة إني عايشة معاه في الحرام واتأكدت من ده لما روحت مشيخة الأزهر وسألت هو أنا كده مراته، ولا طليقته، وينفع إني أعيش معاه في بيت واحد ولا لأ، وأجابوني إني كده محرمة عليه لحد ما اتجوز واحد تاني واعيش معاه، ولو اطلقت ممكن أرجعله، وإني كده عايشة معاه في الحرام".
اقرأ أيضًا..
وأشارت إلى أنها أخبرته بأنها تعيش معاه في الحرام، ولكنه أصر على أن تبقى معه وحال تركها المنزل سيفعل معها ما لا تتوقعه.
واستطردت: "راجل بخيل أوي وبيخوني قدام عيني، وكمان مش عايز يسيبني في حالي".
وطالبت الزوجة بالخلع، لأنها تريد أن تعيش حياة سليمة ولا تغضب الله وأنها تشعر أن أي لقاء فراش يحدث مع زوجها هو زنا.
