فواكه تساعد في إنقاص الوزن الزائد
بسبب الفقر.. سارة تطلب الخلع: «جوزي بيعايرني بأهلي»
الأربعاء 16/يونيو/2021 - 12:43 ص
بسبب الفقر.. سارة تطلب الخلع: "جوزي بيعايرني بأهلي"
هاجر الصباغ
«جوزي بيعايرني عشان أهلي فقرا، وبيعاقبني بالضرب عشان السبب ده، مش عاوزاه ومش عاوزة منه حاجة»، بهذه الكلمات قررت "سارة. ع " طلب الخلع من زوجها " إسلام. ج " مبررة طلبها بمعايرته لها بمستوى أهلها الاجتماعي.
جوزي بيعايرني بأهلي
قالت "سارة" في دعواها التي تحمل رقم 686 لعام 2021، بأنها تزوجت منذ ما يقرب من 20 شهرًا وقررت أن تطلب الخلع وتتنازل عن كل حقوقها بعدما أهانها زوجها وعايرها بمستوى أهلها الاجتماعي.
وقالت: «كرامتي متسمحش أكمل حياتي مع واحد بيهينها كل شوية، لما أهلي فقرا ومش من مستواه، اتجوزني ليه، مش عاوزاه ومش عاوزة منه حاجة».
أكدت "سارة" أنها تخرجت من كلية الآداب قسم التاريخ، وتابعت دراستها وحصلت على الماجستير لتعمل في منصب متميز بوزارة الآثار، وكل ذلك حصلت عليه رغم مستوى أهلها المتوسط، ولكن الأصل الطيب جعل الجميع يرشحها لإسلام كزوجة « لما اتقدملي قالي إن مستوى أهلي ميفرقش معاه، وإنه عاوزني وبيحبني، بس بعد الجواز اكتشفت إنه شخص مختلف عن اللي حبيته، وإنه متجوزني عشان منصبي وبدأ كل يوم يعايرني وفي كل خلاف يقولي إنه تنازل واتجوزني».
وتابعت: «كرهت حياتي بسببه ولما طلبت إننا نطلق رفض وبدأ يعاملني معاملة الحيوانات»، لتؤكد الزوجة أنه على الرغم من فقرها رفضت السماح بتجاوزات في مجال عملها طلبها زوجها منها، مشيرة أنه ضيع مستقبلها عندما رفضت طلباته ليتقدم بشكوى بطلب رشوة ضدها، وبعدما ثبتت براءتها لجأت لمحكمة الأسرة لطلب الخلع.
اقرأ أيضًا..
واختتمت: "ضيع مستقبلى وعندما وجدنى وأهله مصرة على الطلاق قدموا شكوى بعملى إنى أخذت رشوة لمساعدتهم فى القرض المتقدمين بيه وتسببوا فى إحالتى للتحقيق".
