مبروك عطية لمطلقة: انتي عايزة تتجوزي عشان ترقصي وخلاص | فيديو
داعب الدكتورة مبروك عطية أستاذ الشريعة الإسلامية بجامعة الأزهر متصلة، قائلة: "أنتوا يا ضناية بتعيشوا غلط وبتطلقوا غلط وبتموتوا غلط، اللي عايزة تتجوز تتجوز راجل، لما يحبها يكرمها ويطلقها مايظلمهاش".
وقال خلال حلقة قديمة من برنامج "الموعظة الحسنة"،: "انتي عايزة تتجوزي علشان ترقصي وخلاص يافاشلة يا خايبة، وانا شوفت ناس دعوني في كتب الكتاب وشوفت البنت وهي بترقص، فأنتوا ضيعتوا الدين والدنيا، أنتوا مش فاهمين حاجة".
وتابع: "الفتاة تتزوج النهارده وبتطلق تاني يوم وبتكون معها ولدين وتجري هنا وهناك وعايزة حد يصرف عليها وعلى الأولاد، ويجيب لها شقة ويديها فلوس علشان تعيش".
وأضاف: "أنا بقول نصيحة للجمعيات الخيرية، يعني ايه تطلع زكاة لمطلقة زوجها نطع يقدر يفتح 4 بيوت، بس مبيدهاش..أنا مالي..أنا أشوف اللي ممعهاش بعل، أنما أدي مطلقة سايبه زوجها وعايزة الناس تصرف عليها".
جاء ذلك ردًّا على سؤال متصلة تدعي "مني"، قالت فيه: "مطلقة من عام ومعي ولد وبنت، والحياة صعبة بيننا، ومش لاقيه مكان أعيش فيه وأهلي مش عايزيني أعيش معهم، وطليقي رافض يصرف علينا".
ومن جانبه رد "عطية": "ارفعي عليه قضية نفقة، وارجوك يا ضنايا عايزين نصلح لله".