توك شو

متصلة لمبروك عطية: «جوزي غلط مع واحدة عالنت».. والداعية : «خليه يتمرمط دا راجل فلاتي وألعوبان»

السبت 28/أغسطس/2021 - 01:22 ص

متصلة لمبروك عطية

يوسف العرباوي

شكت "أم أحمد"، من زوجها وقالت: "زوجي تعرف على سيدة من على شبكة الإنترنت وتقابلا وغلط معها ومارس معها العلاقة الزوجية، وعندما علم شقيقها عاد من الخارج وأجبره على الزواج منها.

رفض الزوج الطلاق

وأضاف أن زوجها قال لها: "أنا مش عارف أعيش معاها تاني ومش عايز اجي جنبها، فقولت لها طلقها غيابي، ولكنه يرفض".

رأي الدكتور مبروك عطية

فرد الدكتور مبروك عطية أستاذ الشريعة الإسلامية بجامعة الأزهر، على المتصلة قائلا: "أوعي تتعرضي له فى أى موقف وأوعي يضحك عليك ويقولك روحي هاتيلي قرض على شغلك علشان أقدر أصرف عليكو والكلام ده.. حافظي على نفسك، وخلي بالك من عيالك وأوعي تسيبي بيتك وعيالك وهو يروح يحل مشاكله بنفسه، لأن ده ممكن تكون محاولة منه علشان يخليك توافقي على الزواج".

وصل أمانة

فردت المتصلة قائلة: "زوجي كتب وصل أمانة بـ 50 ألف جنيه، لزوجته الثانية وبعدين جبت له الـ 50 ألف علشان يدفعهم ويطلق الزوجة الثانية".

فأجابها "مبروك عطية" قائلا: "اوعي تديله فلوس ويجوز لك خلال عام انك تطلقي وسيبه يتمرمط ويتحبس وسيبك من أفلام الأبيض والأسود والجاني ما جر فعله، أنت مش بتساعديه علشان أزمة مالية ولكنه راجل فلاتي وألعوباني، وبتاع ستات، اسجدي لربنا شكر بانك موظفة وتقدري تنفقي على أولادك ونفسك، وهو يتحمل وزره، فالمرأة لها كرامتها ويجب أن تحافظ عليها".