حوادث

زوجة في دعوى نفقة: «كان لازم يدوق المر اللي شربهولي»

الأربعاء 09/يونيو/2021 - 05:11 م

هاجر الصباغ

"كان لازم يدوق المر اللي شربهولي".. بهذه الكلمات وقفت الزوجة "سارة. ص" أمام محكمة الأسرة تروي قصتها لتطالب بالنفقة من زوجها "ويليام. س".

مشكلات زوجية

وقالت الزوجة "سارة. ص" في دعوى النفقة التي حملت رقم 2088 لسنة 2021، إنها تزوجت منه منذ 18 عامًا في الولايات المتحدة الأمريكية، والذي كان يعمل رجل أعمال، كما أنهما وثقا عقد الزواج في أمريكا وعقب قضاء ست سنوات من العيش بالولايات المتحدة انتقلا إلى كندا وقضى فيها 6 سنوات، وبعدها عادا إلى مصر ليقيما فيها ويتشاركا سويًا في أعمالهما بالدولة.

وأضافت الزوجة: "عشت معاه 18 سنة كان بدايتهم حب وحنان وفلوس وكل حاجة كان نفسي فيها كان بيعملهالي، خلفت منه طفلين، وبعديها رجعنا عشنا في مصر، وهو سافر تاني واتفاجأت أنه اتجوز من بنت روسية أصغر منه بكتير، والكارثة إنه كتبلها كل أملاكه، وطلقني غيابي وبعتلي ورقتي، واتجوز كمان من واحدة مصرية".

وتابعت: "لما عرفت ووصلتني ورقة الطلاق طالبت بالنفقة عن المدة اللي انا قضتها معاه وهو مقدرش يصونها، عشان كده بطلب النفقة من واحد معاه فلوس كتير ممكن يضيع حقي فيها في أي وقت".

وقضت محكمة الأسرة بالسيدة زينب للزوجة "سارة. ص"، بنفقة متعة قدرها 2 مليون جنيه عن فترة زواجها، ونفقة عدة قدرها 309 آلاف.