كلام ستات

للسيدات والبنات.. 4 أشياء يحتاجها الرجل منكِ بدون ما يتكلم

الأحد 06/يونيو/2021 - 11:37 م

للسيدات والبنات.. 4 أشياء يحتاجها الرجل منّك من غير ما يتكلم

قدمت نهى زهران، باحثة في العلوم الإنسانية، عدة نصائح للسيدات والبنات للتعامل مع الشباب والرجال.

4 أشياء يحتاجها الرجل منّكِ

وكتبت عبر صفحتها الرسمية علي موقع التواصل الاجتماعي «فيسبوك»: «هو عايز ده منك من غير ما يقول.. عالم الشباب والرجالة يختلف شكلا وموضوعًا عن عالم البنات والستات دي معلومة مش جديدة.. لكن الجديد لما نفهم هم عايزين ايه ونحاول قدر الإمكان نجيب score او نقفّل الامتحان الصعب ده.. الدنيا بتحلوّ والخلافات بتقل».

وأشارت في منشورها إلى أن هناك 4 أشياء يحتاجها الرجل من السيدات دون أن يتحدث وهم:

1- من غير ما يقولك هو بيبقى عايز من حين لآخر يقضّي وقت من غيرك.

2- مش مستني إنك دايمًا تبقي على سنجة عشرة والميكب اب والشياكة والأناقة واللبس اللي على الموضة أول بأول خصوصًا لو هو اللي بيدفع.

3- عنده حاجات غلط بيعملها وبيقولها غصب عنه أو بقصد علشان هو بني آدم وطبيعي يبقى بيغلط.

4- من غير ما يقولك كده.. هو بيفرح بمبادرتك الأول من حين لآخر في الحاجات اللي بيفترض إن هو اللي يبادر فيها بتفرق معاه جدًا إن البداية تبقى من عندك.