بملعقة واحدة.. 6 فوائد للعسل تحدث في جسمك لن تصدقيها.. ما هي؟
زوجة ترد على اتهامها بالزنا: «بِعْت نفسي عشان أصرف على عيالي»
السبت 29/مايو/2021 - 11:36 ص
"بعت نفسي للحرام عشان أصرف على عيالي"
هاجر الصباغ
بررت "منار. ع" اتهام زوجها "أسامة. ف" لها بالزنا، بأنها عاشت 10 أعوام معه وهي تصرف عليه وعلى أبنائها الثلاثة، وهو لا يفعل شيئا إلا الجلوس في البيت وشرب السجائر والمخدرات.
وقالت "منار. ع" أثناء نظر دعوى برقم 1878 لسنة 2021 أمام محكمة الأسرة في السيدة زينب: "أيوه أقمت علاقات محرمة مع رجالة غيره، وبعت نفسي للحرام عشان أعرف أصرف عليه وهو قاعد وعيالي في البيت، هو أصلًا لا بيصرف علينا ولا بيعمل حاجة غير شرب السجاير والمخدرات، ده راجل شُرَّابة خرج".
وأضافت: "كنا بناكل أنا وعيالي في بعض الأحيان من الزبالة عشان نقدر نعيش ونواجه الحياة، والمقابل إنه كان بيعتدي عليا أنا وعيالي عشان أخرج واجيبله الفلوس عشان ياكل ويشرب الأرف اللي بيشربه ده، فكان لازم أبيع جسمي للي هيدفع أكثر عشان أعرف أعيش أنا واولادي".
وتابعت: "لم يسأل نفسه من أين أجلب تلك الأموال الكثيرة وأنا لا أخرج من منزلى ولا أعمل بوظيفة فهو كان يعلم أننى أخونه ولكنه كان يصمت من أجل أن يجد من يعوله فهو من دفعنى للرذيلة".
فيما رد الزوج "أسامة. ف"، أنه يعمل سواق نقل ثقيل، ويقضي معظم وقته خارج المنزل سواء في السفر خارج القاهرة أو في الدول العربية، وأحيانا يذهب إلى دول أوروبية.
وأضاف الزوج: "هو الواحد عشان بيتقي ربنا وبيسافر وبيتمرمط عشان زوجته وعياله، يكون جزاؤه إن مراته تخونه مع غيره، دا انا بجيبلها كل حاجة، وعيالي مش محرومين من أي حاجة، فين داعي الزنا اللي هي عملته".
وتابع الزوج: "لدينا طفلان وبالرغم من العشرة التي جمعتني وزوجتي طوال 8 أعوام إلا أنها شيطانة تعشق المال حتى ولو حرام وتحاسبني حساب الملكين، وبسببها كدت أن أفقد ساقى من أجل أن ترضى على ولا تفضحنى وسط معارفنا".
