بملعقة واحدة.. 6 فوائد للعسل تحدث في جسمك لن تصدقيها.. ما هي؟
رامي رضوان يوضح حقيقة حضور دلال عبدالعزيز لجنازة سمير غانم
الأربعاء 26/مايو/2021 - 11:14 ص
الاعلامى رامى رضوان
أوضح الإعلامى رامي رضوان حقيقة ما تمر به الفنانة دلال عيد العزيز هذه الايام وآخر تطورات حالتها الصحية، وهل علمت بوفاة الفنان سمير غانم أم لا.
وقال رامى: بالرغم من سلبية المسحة للفنانة دلال عبد العزيز إلا أنها للأسف لا زالت فى العناية المركزة تعانى من تداعيات الفيروس اللعين والتى تتطلب مجموعة من العلاج لابد أن تستمر عليه خوفا من حدوث أي مضاعفات لا قدر الله".
وأضاف: لا صحة أبدًا لما قيل بأنها ذهبت إلى الجنازة ثم عادت مرة أخرى للمستشفى ولسه متعرفش حاجة، إحنا لسه مخبين عليها وفصلنا التليفزيون الموجود فى غرفتها وأبلغناها بوجود عطل رئيسى فى المستشفى كلها، وساحبين الموبايل من يوم الوفاة، وكلنا بنمثل عليها للأسف، ومش قادر أوصف كم الضغط النفسى اللى بنكون فيه وإحنا بنعمل كده وهى دائمًا بتسألنا على الناس اللي كانت بتساعدهم وتأكد علينا إن الأمور معاهم ماشية تمام وإن إحنا مش مقصرين معاهم فى حاجة وليس هذا بجديد عليها، وهى طول عمرها خدومة وبتفكر فى غيرها قبل نفسها.
وتابع رامى رضوان: أنا حاسس أنها حاسة إن فيه حاجة حصلت ده رفيق دربها وحبيب عمرها أكيد هى حاسة بس مش مستوعبة ولا قادرة تفكر فى أن ممكن يكون ده حصل بتكذب احساسها وكل اللى بطلبه منكم تكملوا فى الدعاء ليها ان ربنا يتم شفاها على خير".
وأكد أن دنيا وإيمى للأسف معندهمش فرصة يحزنوا أو يبكوا؛ لأنهم مطلوب منهم يكونوا متماسكين تماما أمام والدتهم، وهما فعلًا فى موقف مهيب مش سهل على أي حد يستحمله، أوصيكم بالدعاء لهما بالتماسك والقوة والصبر".
