مشادات وخلافات على السجادة الحمراء بمهرجان القاهرة بدءًا من وائل عوني إلى حسن الهلالي
أكيد مبسوطة مع الملائكة.. أبناء نادية العراقية أمام قبرها بأكلتها المفضلة
الإثنين 24/مايو/2021 - 11:38 ص
أبناء نادية العراقية أمام قبرها بأكلتها المفضلة
قام أبناء الفنانة الفنانة الراحلة نادية العراقية بزيارة لقبرها ليحيوا ذكرى ميلادها.
ونشرت مي ابنة نادية العراقية صورا لشقيقها أدهم وهو يجلس إلى جوار القبر ومعه باقة ورد و"سوشي" الأكلة المفضلة لوالدته.
كما نشرت فيديو لمجموعة صور لوالدتها ووجهت لها رسالة مؤثرة: "ماما أول عيد ميلاد ليكِ متبقيش جنبنا، ومعانا أكيد أنتي دلوقتي في الجنة ومبسوطة مع الملائكة، وتيتا وجدو وأخواتك.. كان نفسي أقولك كل سنة وأنتِ طيبة وأبوسك وأحضنك وأعملك مساچ زي ما كنتِ بتحبي .. والله يا ماما أنا مش مستوعبة إنك خلاص مشيتي وسبتينا من غيرك اتكسرنا من غيرك يا أمي أنا فعلاً مش قادرة أعيش من غيرك أنا عايزاكِ وعايزة أشوفك بس عارفة إنه مينفعش لأنك عند ربنا الرحمن الرحيم وأكيد مبسوطة.. شكرًا يا ماما على كل لحظة عشتيهالنا وعلى كل لحظة ضحكتينا وطبطبتي علينا أنا بحبك أوي بجد يا روحي .. دايمًا كنتِ بتحمينا و حتى لما مشيتِ بتحمينا".
وتابعت: "أنا بحس بيكِ حواليا وبحس بأنك بتطبطبي علينا، الحمدلله ربنا مصبرنا، بس إحنا موجوعين أوي يا ماما، محدش فينا مستوعب إحنا حاسين إنك مسافرة زي كل مرة وراجعة تاني وسطنا.. عمري ما كنت أتخيل أني هكتب كده، ولا أني هحس الإحساس الصعب ده، كنت دايما واثقة أنك هتفضلي عايشة وربنا هيفتكرني قبلك، بس ربنا أراد حاجة تانية الحمدلله، ماما الله يرحمك ويكرمك بجنته، وسامحيني على أي حاجة، كل سنة جاية وأنتِ في الجنة وبين إيدين ربنا، بحبك وتعاليلي في الحلم أشوفك".
