بالصور .. تفاصيل حفل زفاف الفنانة ريم سامي وأبرز الحضور
بعد موت سمير غانم.. حلا شيحة تُحاسب نفسها: «هل أنا مستعدة للقاء الله؟»
الأحد 23/مايو/2021 - 05:27 م
حلا شيحة
أحمد رفعت
تتحدث الفنانة حلا شيحة، دائمًا عن موضوعات الثواب والعقاب، والحساب في العالم الآخر ويوم القيامة، إلا أنها تحدثت عن الثواب والعقاب عقب وفاة الفنان سمير غانم.
هل أنا مستعدة للقاء الله؟
وكتبت "شيحة" عبر صفحتها على موقع تبادل الصور والفيديوهات الشهير "إنستجرام": "مشهد جنازة سمير غانم محتاج لحظات للتأمل ووقفة طويلة مع النفس كل ما تحصل حالة وفاة من قريب أو بعيد بلاقي نفسي جوه المشهد وبتخيل اللحظة دي، لأنها مفيش مفر منها، حتيجي فجأة أو بعد مرض المهم إنها جاية وكلنا حنمر بيها، وبفكر يا ترى هل أنا مستعدة للحظة دي؟! مستعدة لاستقبال عالم تاني؟ مستعدة أقابل رب العالمين؟! مشهد مرعب كأن الامتحان خلص خلاص ومستنية النتيجة».
وأضافت: "كل يوم بيموت من حبايبنا وأقرب الناس لينا كلنا بنحضر الدفن والعزاء، طيب وبعد كده إيه؟.. مننا اللي بيكمل عادي زي ما كان ومننا اللي مش عايز يركز في اللحظة دي، ومننا اللي بيفكر شوية وخلاص بعدها بينسى".
وتابعت: "مننا اللي مش هيعدي عليه المشهد ده كدة وخلاص، أنا بسأل نفسي يا ترى إحنا بنفني عمرنا في إيه وفيه مثل مشهور بيقول: العمر مش بعزأة، مركزين بس في نجاحاتنا وآمالنا ومراكزنا وفي مشاكلنا، ومطحونين في دوامة عمرها ما حتخلص".
وأردفت: "يا تري ربنا في حياتنا فعلا؟ ولا نسينا في الزحمة نفكر إننا ماشين.. ليه بعد كل موقف وفاة مؤلم زي ده بننسى وبنرجع تاني لنفس الحال بتاع بكرة هبقى أحسن بكرة حصلي، بكرة حرضي ربنا بجد وناس ناسية ربنا أصلا، ده حتى بقى الخلاف على الدين نفسه، ده حتى الشك اللي اتبنى جوانا من كتر البعد عن ربنا بقي يخلينا نشك في وجود ربنا أصلًا".
اقرأ أيضا..
واستكملت: "المعايير اتغيرت جوانا والأولويات اتلخبطت مفيش آية في القرآن عن الدنيا إلا والكلام إن الدنيا لهو ولعب ومتاع الغرور واتحدى أي حد يلاقي غير كدة وبقول لنفسي يا ترى أنا فين من المعاني دي، وبسأل نفسي لو مسألناش نفسنا دلوقتي حنسأل امتى، الدنيا اللي حنعيشها أيام وحنفارقها وردو متمسكين بيها.. وفجأة هنلاقي نفسنا في المشهد ده.. لحظة الصدق هي دي: لمثل هذا فليعمل العٰاملون، مشغولين برأي الناس فينا وشكلنا ومكاننا وشهرتنا حتزيد إزاي ومحدش حينفعنا في اللحظة دي".
