شراكة بين صندوق التنمية الحضرية و«بنك نكست» لتوفير سكن كريم للمصريين
نور اللبنانية: مشفتش من محمد سامي حاجة وحشة
الثلاثاء 18/مايو/2021 - 11:51 ص
نوراللبنانية: مشفتش من محمد سامي حاجة وحشة
علَّقت الفنانة نور على الأزمة الأخيرة التي تعرض لها المخرج محمد سامي قائلة: أنا اشتغلت مع محمد سامي أكتر من مرة، مشفتش منه غير كل خير، هو مخرج موهوب ومُهذَّب ومحترم، وبصراحة عمري ما شفت منه فى اللوكيشن غير كل أدب وتقدير واحترام وغيرة على كل واحد بيشتغل معاه عشان يخرج أحسن ما لدينا جميعًا.
وأضافت الممثلة اللبنانية: "ابن ناس محترمين وطيبين، وهو مخرج كبير موهوب، ولديه رؤية يتميز بها، وأعماله بتشهد على كل ده.
وعن الانتقادات التي تعرض لها مؤخرًا بسبب "نسل الأغراب". تابعت: "الفن وجهات نظر، وكل واحد بيشوف العمل الفنى زى ما هو عايز، ومينفعش أبدًا نشمت فى بعض ونجرح بعض خصوصًا لما نكون زملاء من نفس الوسط وعارفين قد إيه إن كلنا بتتعب ونجتهد عشان نخرج أفضل ما لدينا فى العمل، وكل اللى بتمناه إن كلنا ما نجرح حد ولا نتكلم عليه وحش لمجرد الاختلاف فى الرأي وأنا قلت الكلام ده لأنها شهادة يجب عليَّ أن أتحدث بها فى مثل هذه الظروف.
يذكر أن "نور" تعاونت مع محمد سامي خلال شهر رمضان العام الماضي بمسلسل البرنس مع الفنان محمد رمضان والذى حقق نجاحا كبيرا وقتها على الرغم من بعض السلبيات التى كانت موجودة به إلا أن العمل فى مُجمله حقق نجاحا وتعاطفا كبيرا من الجمهور خصوصًا فى الأزمات التى مرَّ بها محمد رمضان من بداية المسلسل.
