بملعقة واحدة.. 6 فوائد للعسل تحدث في جسمك لن تصدقيها.. ما هي؟
بيغير على بناته وبيتحرش ببنات الناس.. علياء تطلب الطلاق بسبب أفعال زوجها
السبت 15/مايو/2021 - 01:17 م
بيغير على بماته وبيتحرش ببنات الناس
هاجر الصباغ
«جوزي متهم في قضية تحرش بقاصر»، هكذا وقفت "علياء. ش"، أمام محكمة الأسرة بعين شمس الشرقية، تطالب بحقها في الطلاق للضرر، من زوجها "ماهر. ك"، بعدما سجن في قضية تحرش بقاصر وتغريمه مبلغا ماليا.
بيغير على بناته وبيتحرش ببنات الناس
في الدعوى التي تحمل رقم 830 لعام 2021 بدأت علياء تبكي وهي تؤكد أنها لم تكن تتخيل يوما أن يتحرش زوجها بفتاة من سن ابنته المراهقة، دون خوف من الله « مخافش من ربنا، طيب لو كان حد عمل كده مع بنته، ده المفروض بيغير على بنته من نظرة أي حد، فنتفاجأ إن هو بيتحرش ببنات الناس من غير خوف من ربنا».
فضحنا بعملته
الزوجة علمت بعدما قبض على زوجها، لتقرر الوقوف بجواره لآخر لحظة، ففوضت محاميا لزوجها، حتى خرج من السجن «عرفت الكارثة اللي عملها بعد ما اتقبض عليه، فقومت محامي عشان يقف معاه، قدّرت السنين اللي بينا والعشرة وخوفت على بناتي ومستقبلهم بس للأسف عملته فضحتنا».
فضيحة جوزي بوظت سمعتنا قدام الناس
«فضيحة جوزي بوظت سمعتنا قدام الناس، وبناتي اتكسفوا يخرجوا الشارع بسبب نظرات الناس ليهم، حتى بنتي الكبيرة خطيبها عايرها بمصيبة أبوها»، لتبكي الزوجة بعدما أشارت لفضيحة زوجها لها ولبناتها، مؤكدة أن نظرات الأهل والأصدقاء وتعليقات الجيران أصبحت حارقة، فقررت الطلاق بعدما حاولت إيجاد مبرر لفعلته ولكنها لم تجد مايمنحه حق ارتكاب جريمته، خصوصا وأنها ليست بجريمة هينة، ولكنها انتهاك عرض فتاة صغيرة».
