كلام ستات

10 دروس مستفاده من مسلسل لعبة نيوتن..تعرفي عليها

الجمعة 14/مايو/2021 - 09:29 م

كشفت خبيرة التنمية البشرية نانسي ماهر عن 10 دروس مستفاده من مسلسل لعبة نيوتن الذي عرض علي الشاشات في رمضان المنقضي.

أشارت إلي أن المسلسل يركز علي النفس البشرية واخطاءها وضرورة مراجعة مشاكل الطفوله والتربيه

والعلاقات، وعلي فكره مشاعر المرأة .

ورصدت خبيرة التنمية البشرية نانسي ماهر أهم الدروس فيما يلي:

١. العند

أساس معظم مشكلات حياتنا.. عند نفسك..عند الآخرين كل ده بيؤثر بشكل سلبي علي قراراتك
وممكن يخليك تبوظ حياتك كلها

٢. الحب الحقيقي
مش بيكسرك ولا بيضعف ثقتك في نفسك مش بيوجعك ولا بيحطمك ولا بيزقك لقرارات حمقاء تدمر حياتك

٣. الاحتياج
أي زوجين محتاجين يبينوا احتياجهم لبعض ويناقشوا تفاصيل الاحتياجات_الغير_مسددة عند كل واحد فيهم ومش تقتصر حياتهم سوا علي الواجبات والاهداف

٤. الاستسهال
استسهال الربح. استسهال الانفصال او استسهال القرارات المصيرية وعدم التفكير ممكن يدمر حياتك كلها

٥. الاسقاط
كارثه من كوارث العلاقات لذا مهم قبل ما ترمي علي الطرف التاني اي مشكله فيك انت تستوعب انك ربما تكون انت اللي عندك العيوب دي وتصلحها الاول

لكن استسهال الاتهام لبعض من غير ما كل واحد يفكر في عيوبه بيكسر حاجات كتير جوانا

اقرأ أيضاً: منى زكي : ستات كتير متضررة من الطلاق الشفوي وأتمنى تغيير القانون

٦. المبادئ
مش دايما بتتبع وقت الاحتياج او الضعف
وفكره انك تحكم علي اللي حواليك بانهم غلطانين او كده مش معناه انك منزه عن الاخطاء وكلنا ممكن نعيش ونموت بندعي الفضيله ما لم تختبر مبادئنا

٧. العلاقات_المؤقتة
ساعات بنستخدمها لاعاده ثقتنا بنفسنا او علشان تسدد جوانا احتياجات وقتية
بس مش دايما بيكمل او بيكون مبني علي اساس قوي

٨. جراح_الماضي
بتفضل عايشة معانا سواء بالمشاعر السلبية او بالاخفاقات المتكررة ومهم قوي نستوعب ازاي ممكن آلام الماضي تشوه اختياراتنا وتجذب مشاعرنا في اتجاهات غير ناضجة ممكن تبوظ حياتنا كلها

٩. دفع_الفاتورة
هو ده سر اللعبة ان لكل فعل رد فعل
كل واحد بيلعب لعبة هو مش قدها بيلف الزمن ويدفع تمنها
وعلي قد انعدام الضمير او التمادي في نسيان المبادئ او مخافة الضمير
علي قد ما بيدفع كل انسان تمن افعاله باي طريقه وفي اي وقت

١٠. التقدير
غذاء الروح
لازم نشتغل في علاقتنا كلها علي التقدير بكل ما فينا من قوه ومن روح بلاش تسيب اللي معاك جعان عاطفيا
او جعان تقدير لانه ببساطة مينفعش يسمع حد بره يقدره وانت تكسره لو مش شبعان من جواه للاسف العلاقات بتتأثر بشكل مرعب