بملعقة واحدة.. 6 فوائد للعسل تحدث في جسمك لن تصدقيها.. ما هي؟
عاوز أشوف ابني.. أب معاق يطلب حق الرؤية بمحكمة الأسرة
السبت 01/مايو/2021 - 02:09 م
محكمة الأسرة
هاجر الصباغ
«عشان أنا معاق رافضة إني أشوف ابني من سنتين، وبتقولي هدمر نفسيته»، بتلك الكلمات وقف وليد أمام محكمة الأسرة يطالب برؤية طفله البالغ من العمر 6 سنوات، بعدما حرمته منه طليقته منذ حصولها على الخلع منذ عامين، وتؤكد له أن إعاقته ستؤثر بالسلب على نفسية الطفل.
بعد 4 سنين جواز عايرتني بإعاقتي
البداية كانت باعتقاده أن زوجته تحبه، وليد البالغ من العمر 33 عاما خدعته لعامين، أو لعلها ملت منه، فهو ميسور الحال ولم يقصر يوما في حقها سواء شرعا أو معنويا « بعد 4 سنين جواز، وبعد أول طفل قررت مراتي إنها مش عاوزة تكمل حياتها معايا، قالتلي مش هكمل حياتي مع واحد معاق، حاولت كتير معاها بس فوجئت بمحضر بدعوى الخلع».
اقرأ أيضا.. دينا تطلب الخلع من حسن: يتهمنى بأنى سبب إعاقة طفلي
8 شهور وحصل على لقب مخلوع
مر 8 أشهر وحصل بعدها وليد على لقب مخلوع، بعدما فشلت كل المحاولات الودية، ولكنه رغم ذلك لم يبخل عليها وأعطاها حقوقها كاملة « مكنتش ملزم أديها حاجتها بما إنها خلعتني، بس أنا عملت كل ده عشان ابني الوحيد، واتفقت معاها على مواعيد الرؤية وإن الحياة بينا تكون من غير خلافات عشان الولد».
سنتين بحاول أشوف ابني
« روحت عشان أشوف ابني في المكان اللي اتفقنا عليه، رفضت وقالتلي إعاقتك هتأثر على الولد، وممكن يتعقد»، ليصدم وليد بتلك الكلمات، ويبدأ في الصراخ لمدة عامين، ولكن دون فائدة، فقرر التوجه لمحكمة الأسرة لتمكينه من رؤية طفله.
