بملعقة واحدة.. 6 فوائد للعسل تحدث في جسمك لن تصدقيها.. ما هي؟
تفضلي ترتبطي برجل عملي ولا عاطفي؟.. ردود صادمة من الفتيات
الخميس 08/أبريل/2021 - 08:12 م
الفتيات الارتباط برجل عملي
عزة ذكي
تُفضل الكثير من الفتيات الارتباط برجل عملي، بينما تُفضل المئات الارتباط بشخص عاطفي، وبين هذا وذاك يظل هناك جدلًا بين مقاييس اختيار شريك الحياة أو النصف الآخر لدى الفتيات، فبعضهن لا يفضلن العملي ولا العاطفي، إنما يفضلن من يمتلك أموالًا ظنًا منهن أن الأموال تُسبب السعادة.
بوابة «هير نيوز»، سألت البنات تفضلي ترتبطي برجل عملي ولا عاطفي؟، فكانت الإجابات متباينة وصادمة.
قالت «أسماء.م»، فتاة تبلغ من العمر 28 عامًا: "إنها مرتبطة بشخص عملي بشكل كبير، وكرهت الحياة على الرغم من ارتباطها منذ نحو 6 أشهر فقط".
وتابعت: «اتقدملي شخص وكويس جدًا مكنتش أعرفه قبل كده، لكن للاسف بعد الخطوبة لاحظت أن شغله هو كل حياته، طول ما إحنا قاعدين شغل، وبيرد على الشغل، تعبت ومش حاسة من ناحيته بأي مشاعر، حساه بيفكر بطريقة عملية بحته، مش حاسة أنه ملهوف عليا زي أي شخص خاطب في فترة الخطوبة، وبفكر تفكير جدي أسيبه لأن إذا كانت فترة الخطوبة كده؟ بعد الجواز هيعمل أيه؟».
المأساة لا تختلف كثيرًا عن « شادية.ك»، التي تزوجت من رجل عاطفي جدا وحساس، لكنه لم يتحمل المسؤولية، وقالت: « جوزي عاطفي بس أيه لزمته يكون عاطفي بس مش قادر يتحمل مسؤولية البيت، وبيرمي عليكي كل حاجة؟، اتجوزي راجل يشيل مسئولية بيت وأسرة، اتجوزي رجل مش كل حياته عاطفية لأنه هيبقى عنيه زايغة ومش هتقدري تلميه».
اقرأ أيضا.. «فضائح الأمهات أون لاين».. فتيات: «أمي لغت فرحي».. وأخريات: «ألفاظها بشعة»
اختلفت إجابة « روان سلامة»، عن البنات قائلة: «لا عملي ولا عاطفي، اتجوزي اللي معاه فلوس يقدر يسعدك ويلبي احتياجاتك، العملي هيطلع عينك والعاطفي هيعملك فيها تيتانك، اتجوزي اللي يقدر يصرف عليكي ويعيشك سعيدة، الحب والعاطفة هتيجي بالعشرة، الفلوس بتعمل كل حاجة، أيه لما اتجوز واحد عاطفي ومش قادر يصرف عليا، أو عملي ومش قادر يلبي احتياجاتي؟».
