إزاى اختار زوج مناسب .. 10 نصائح للبنات

الزواج الناجح السعيد يقوم على الاختيار الصحيح لشريك الحياة، فاختيار الزوج المُناسب يحتاج للكثير من الحكمة والخبرة، والتأنيّ
فهو الطرف المشارك فى نجاح أو فشل هذا الزواج.

نصائح لاختيار الزوج المناسب

ويقدم الدكتور محمد وديد، الأخصائي النفسي واستشاري العلاقات الزوجية، 10 نصائح تساعد الفتيات فى اختيار الزوج المناسب.

١- خليكي واعية وناصحة مش أي حد يقولك بحبك تصدقيه .
٢- ما تخليش حد يستغل نقط ضعفك ويلعب عليها.
٣- اوعي تتجوزي بهدف إنك تهربي من بيت أبوكي.. علشان لو عملتي كده غالبا هاتبقي باردو عايزه تهربي من بيت جوزك .
٤- اوعي ترضي بأي عريس علشان حاسة إنك كبرتي. مفيش حاجة اسمها عنوسة...
٥- اتجوزي اللي تبقي سعيدة معاه ، مش اللي يبقي سعيد على حسابك.
٦- اعرفي نفسك واعرفيه بدل ما تحبي على نفسك وتضطري تقضي عمرك كله صابرة.
٧- قدري قيمة نفسك واعرفي إنك مش مستنية حد يكملك .. انت عايزه حد يبقي نفسه يسعدك.
٨- ما تسيبهوش بعد الجواز يكبر في الدنبا وانت تكبري في المطبخ...
٩- اوعي تعادي والدته مهما حصل .
١٠- حافظي علي جمالك وعلمك وعقلك وحياتك ، اوعي تفرطي فيها تحت أي ظرف.

واختم الدكتور محمد وديد قائلاً: إن العلاقة الزوجية تبنى على أسس وقواعد كثيرة تضمن نجاحها واستقرارها، ولكن على الزوجين أن يبذلوا الكثير من الجهود التي تساهم في إرساء دعائم الاستقرار في علاقتهما، لذا عليكى أن تعرفى ما هو دورك وما مسئولياتك التي تضمن لكِ علاقة سعيدة مدى الحياة.