الرئيس السيسي : اللى عمله ربنا مش هيغيره البشر.. وهو مطلع علي الشرفاء والمخلصين وقادر علي نصرهم

أكد الرئيس عبدالفتاح السيسي، أنّ كلمة «وأعدوا لهم ما استطعتم من قوة ومن رباط الخيل»، لها مفهوم مختلف قليلا من وجهة نظره.

وأضاف : «الناس فاكراها القوة العسكرية بس، ولكن معناها القوة الاقتصادية والثقافية والفكرية والمعنوية، ده كله إعداد، الدولة مش قدرة عسكرية بس، دا قدرات متكاملة وبيسموها قوة الدولة الشاملة".

 قلقت على الميه من 2011

وحول قلق المصريين على المياه، قال الرئيس السيسي: "القلق بتاعكم مستحق ومشروع ..لكن يا ترى كل واحد قلقان على الميه حريص على المية، أنا قلقت على الميه من 2011، مبقتش ارتاح ولا اقدر أطمن من 2011 تحديدا من 25 يناير عرفت إن هايبقى عندنا مشكلة كبيرة قوى".

اقرأ أيضاً: الرئيس السيسي : لن يجرؤ أحد علي أخذ نقطة مياه واحدة .. واللي عايز يجرب يجرب

أوضح الرئيس "اللى حصل في 2011.. كان أول مدخل للتحدى المياه.. طب وبعدين.. أرمى مخالفات في ترعة سواء كانت مبطنة أو غير مبطنة.. مش بتقول أنك بتحبها وتخاف عليها.. أنت تقدر تحافظ على المياه لوحدك.. ولو كل واحد عمل كده هنقدر نحافظ على المياه.. لازم نخلى بالنا من كل نقطة مياه موجودة عندنا".

 الخيارات كلها مفتوحة

ووجّه الرئيس السيسي، رسالة إلى إثيوبيا قائلاً : « أقول للأشقاء في اثيوبيا بلاش نوصل لمرحلة إن انت تمس نقطة ميّة من مصر، لأن الخيارات كلها مفتوحة».

وأضاف: «تعاوننا أفضل نجري ونبني مع بعضنا، أفضل كتير من إننا نتصارع».

جاء ذلك خلال كلمته في افتتاح مجمع الإصدارات المؤمنة والذكية.

كلامنا لم يتغير

تحدث الرئيس السيسى عن أن موقف الدولة المصرية من مشروع سد النهضة كان موقفا مشرفا واحترم رغبة الشعوب في أن يكون لها شكلا من أشكال التنمية. قائلاً : "أنا قولت في مصر نقدر التنمية بشرط أنه لا يمس مصالح مصر.. وكلامنا لم يتغير.. مش قولنا كلام وتراجعنا عنه..

أضاف :" من فضلكم.. نفس الكلام لم يتغير وقولت الكلام ده أمام البرلمان فى إثيوبيا.. أنا مش غيرت كلامى في احترام التنمية في إثيوبيا لتحسين أحوال شعوبهم.. في إطار أن هذا الأمر عدم المساس بمصالح مصر.. وهذا الكلام واضح".

اللى عمله ربنا مش هيغيره البشر

قال الرئيس السيسى، إنَّه لمس خلال السنوات الماضية شكلا من أشكال من عدم الشعور بالراحة لدى الأشقاء الإثيوبيين، موضحًا: «لديهم شكلا من أشكال الشعور بعدم الراحة إن المياه بتروح لمصر كدة».

 وعقب علي هذا الأمر قائلاً: "الله سبحانه وتعالى هو اللى هينزل المياه هناك وهنا، ومسارها الله اللى محدده و اللى عمله ربنا مش هيغيره البشر " .

وأضاف موجهاً حديثه للمصريين :"عندما تجدوا نفسكم يا شعب مصر قلقانين أو متضايقين اشتغلوا اكتر وعمرا اكتر وانتبهوا" واحرصوا اكتر ، وقبل كل دا فيه رب مطلع علي الشرفاء والمخلصين والأمناء وقادر علي نصرهم ".