صباحك مع هير نيوز.. أم كلثوم تبدع في «رق الحبيب» (صوت)

تستمر الحياة بالأمل والعمل، وفي صباح كل يوم نبدأ بطموح جديد، ونسعى في الأرض لتحقيق أحلامنا، وضمن سلسلة «صباحك مع هير نيوز» اخترنا لكي واحدة من أروع أغنيات كوكب الشرق أم كلثوم، وهي «رق الحبيب» لتستمتعين بها مع قهوتك، وهي واحدة من أروع الأعمال الكلاسيكية العربية، حيث كتب كلماتها الشاعر أحمد رامي، ولحّنها محمد القصبجي.

وتقول كلمات أغنية " رق الحبيب ":

رق الحبيب وواعدني يوم

وكان له مدة غايب عني

حرمت عيني الليل م النوم

لاجل النهار ما ييجي يطمني

أحسن أشوف في المنام

غير اللي يتمناه قلبي

سهرت استناه

واسمع كلامي معاه

واشوف خياله قاعد جنبي

من كتر شوقي سبقت عمري

وشفت بكرة والوقت بدري

وإيه يفيد الزمن

مع اللي عاش في الخيال

واللي في قلبه سكن

أنعم عليه بالوصال

طلع عليّا النهار

سهران في نور الأمل

وغنت الأطيار

لحن الهوى والغزل

وفضلت أفكر في معادي

واحسب لقربه ألف حساب

وكان كلامي مع صحابي

عن المحبة والأحباب

من فرحتي بدي اتكلم

وأقول حبيبي مواعدني

لكن أخاف لا يكون بينهم

مظلوم في حبه ويحسدني

هجرت كل خليل ليّا

وفضلت عايش مع روحي

أحسن يبان شيء في عينيّا

من كتر خوفي على روحي

ولما قرب معاد حبيبي

ورحت أقابله

هنيت فؤادي على نصيبي

من قرب وصله

ولقيتني طايل من الدنيا كل اللي أهواه

بس اللي كان فاضل ليّا أسعد بلقاه

لما خطر ده على فكري حيّر أمري

والقرب سبب تعذيبي

ولقيتني خايف على عمري لا يروح مني

من غير ما شوف حسن حبيبي.

اقرأ أيضًا.. صباحك مع هير نيوز: أسمهان تبدع في «أهوى» (فيديو)