عاوز أشوف بابا.. الطفل علي يبكي أمام محكمة الأسرة

«عاوز أشوف بابا، أنا عارف شكله من الصور بس»، الطفل علي البالغ من العمر 8 سنوات، يبكي أمام محكمة الأسرة بمصر الجديدة، ويطلب رؤية والده، بعدما طلق والدته وتزوج من أخرى.

الزوجان انفصلا ولم يفكرا بالطفل

البداية كانت بزواج شخصين وإنجاب «علي»؛ ولأن الزوجين لم يتفاهما فقد انفصلا، ولكن الطفل لن يقتنع بهذا كله، وما كان على الأم المسكينة إلا أن تجعله يشاهد صور زواج أبيه من أخرى «أنا كنت بشوف بابا وأنا صغير عندنا في البيت، ودايما هو وماما بيتخانقوا، وبابا كان بيضرب ماما وهي تفضل تعيط، بس بعد شوية بطل يجي بابا عندنا».

«كنت بسأل ماما عليه وهي تقولي إنه مسافر وهيجي بعد شوية، وبعد كده ماما قالت إن بابا خلاص مش هينفع يجي البيت تاني، وقالتلى إن بابا طلقها، مكنتش عارف يعني ايه طلقها، بس عيطت كتير عشان مش هشوفه تاني»، ليبكي الصغير بأن والده لم يعد يدفع لهم الأموال مثلما كان في السابق، ولم تعد أمه تشتري له الحلوى، وأصبح يذهب للمدرسة بدون أب، وأمه هي الأب والأم.

الأب ترك أسرته بدون معيل

الأب ترك أسرته الصغيرة بدون معيل، وأصبحت الأم تتسول منه مصروفات تكاد تكفي احتياجات ابنها، وعندما تطلب منه رؤية الصغير يرفض وبشدة.

اقرأ أيضا..
زوج يفاجيء قاضي محكمة الأسرة بطلب الخلع.. مشفتش يوم حلو معاها

ويستكمل الصغير كلامه، قائلا « كنت بحب بابا، بس ماما ورتني صوره وهو لابس بدلة وقالتلي إنه اتجوز واحدة تانية، وخلاص خلف بنت ومش هيجي البيت عندنا تاني، وأنا يومها فضلت أعيط وأسالها هو مش بيحبني ليه وبيحب بنته التانية، اشمعنا أنا معنديش أب زي أصحابي في المدرسة، مع إني مش بعمل حاجة غلط وبسمع الكلام».

وتابع الطفل باكيا «اتحايلوا على بابا يجي عندنا زي الأول عشان نفسي أشوفه»، لتحكم المحكمة بإلزام الأب بزيارة إسبوعية لطفله بعدما تأكد لهيئة المحكمة إصابة الطفل بحالة نفسية سيئة وامتناعه عمن في مثل سنه، جراء غياب والده عنه.