«البيوت أسرار».. زوجات تكشف عيوب أزواجهن على جروبات الستات «بدون أسماء»

لا يخلو أى بيت من المشاكل الأسرية والتى يسعى الجميع إلى حلها، وعدم كشفها للأهل والأصدقاء، على غرار المثل الشائع «البيوت الأسرار»، إلا أن بعض السيدات لجأن إلى حيلة أخرى للحديث عن مشاكلهن، على جروبات السيدات.

«بدون اسم»، هي الجملة الأولى التي تضعها الزوجات في بداية منشوراتها التي تُنشر على جروبات الـسيدات، على موقع التواصل الاجتماعي«فيسبوك»، والتي يروين خلالها مشاكلهن الزوجية والأسرية، وذلك خوفاً من الفضيحة إذا ظهرن بأسمائهن.

ونعرض فى هذا التقرير قصص وحكايات متكررة فى البيوت، ولجأت صاحباتها إلى جروبات التواصل الاجتماعي بدون الكشف عن أسمائهن، آملين في أن يجدن حلولاً لمشاكلهن من خلال تجارب الأخريات

«جوزي بيشرب حشيش»

«عندى مشكله كبيرة بدون اسم بعد اذنك»، تلك هي الكلمة الأولى لزوجة أرفقت مشكلتها مع زوجها عبر إحدى الجروبات، حيث قالت:«أنا متجوزه من 5 سنين وعلى طول فى خلافات بيبنى وبين زوجى علشان بيشرب حشيش ومش راضى يبطل».

وتابعت: «اتعايشت وبحاول معاه بالحسنى.. إحنا فى بيت عيله وعلى طول فى خلافات مع مامته وتدخل من أهله فى كل تفاصيل حياتنا لو خرجنا خروجه يفضلو يتكلمو عنها سنين، ومامته ست مفتريه وبتحب ابنها ده أوى وبتدلعه دلع يفسد، لو ساب شغله تديله كل يوم 20 جنيه سجاير وتشجعه على قعدته المهم فضل سنه سايب شغله وعايشين على الوضع ده وطبعا إهانه طول الوقت ومشاكل وفضايح بالـ20 جنيه اللي بياخدها».

أضافت: «حصل خلاف وجه حكالى أهلى بيقولو عليكى كذا وهو كمان غلط فى أهلى، انهرت وصممت عند أهلى، أخد ابنى الرضيع علشان منزلش ، للاسف نزلت وسبت ابنى كنت متخيله هبعتهولى علشان بيرضع لقيته عند ورفض يدهونى ابنى بقاله 3 اسابيع هناك فطموه وبيكسرونى بيه وبيساومونى، طالما عاوزه اتطلق اتنازل عن دهبى ومؤخرى واخد بس الحجات اللي جبتها وهيلمعوا العفش علشان جوزى يتجوز بيه قال كده لبابا وجوزى آخر مكالمة بنا قالى فى واحدة هتموت عليا وهتجوزها على عفشك ومامته بردو قالت الكلام ده لعمتى.. أنا هموت على ابنى لا باكل ولا بشرب ولا بنام حاسه انى هموت».

وانهالت عليها التعليقات التي تطالبها بطلب الطلاق وعدم الاستمرار في هذا الزواج، حتى لو كان الثمن التنازل عن قائمة المنقولات.

زوجة: «العيلة سبب طلبي الانفصال»

بينما عرضت زوجة أخرى مشكلتها قائلة: «لو سمحت نزلها بدون اسم ، انا زوجي طيب جدا وكريم فيه عيوب بس أنا متعايشة معاها و متقبله الموضوع ، المشكلة معاه السكن في بيت العيلة والمصيف مع العيلة كل حاجة كدة حتي لو خروجة سريعة، وأنا في مشاكل بيني و بينهم حاولت أعرف جوزي كتير ويقولي انتي الغلطانة وهنا طيبين، الموضوع بقي حمل كبير اوي عليا».

وتابعت: فكرنا جديا في الانفصال خاصة أنه شايف اني مفترية ، بغض النظر عن التفاصيل ، الموضوع وصل لحيطة سد و هننفصل، أنا مشكلتي اني قلقانة من الانفصال و اعيش لوحدي خاصة معايا طفلين، عاوزة الناس المنفصلة تعرفني و تطمني ان الحياة مش بتقف علي الانفصال انا عمري ٣٤ سنة وبشتغل وأقدر اصرف علي نفسي مش مشكلتي فلوس ، مشكلتي حياه و نفسية و عيشة ، هقدر اعيش عادي لوحدي، أنا بس عاوزة اطمن شوية».

وطالبتها الفتيات بالتروي قليلاً من أجل أطفالها بينما طالبات أخريات بضرورة الانفصال حفاظاً على حالتها النفسية مع التعامل باحترام مع زوجها لأجل أطفالها.

«زوجى بيكشر في وش أهلي»

اقرأ أيضًا.. عشان ترضي زوجك.. 7 خطوات للتعامل مع الرجل المنتقد


كما حكت سيدة أخرى مشكلتها مع زوجها رغم حداثة سن زواجهما قائلة: «ياريت بدون اسم ، متزوجه بقالي شهرين والخطوبه كانت من شهر9 لـ شهر 3 حوالي 6 شهور، جوزي اتغير جدا معايا عصبي و بيزعقلي فالشارع و دايما بينتقدني، وبيعلق ع كل حاجه حتى لما بقف فالمطبخ بيقعد يقولي اعملي كذا وكذا وبقول حاضر وبسكت على شرط محدش جرب أكلي الا و شكر فيه، دايما بيكشر في وش اهلي و بيرد عليهم بغلاظه و اسلوب مش كويس، خلاني تعبت وداني عند اهلي و في عز تعبي بيتخانق معايا و يعلي صوته و يهددني انه بيسيب البيت و راضيته و هو مفيش، الخناقه اصلا كانت بسبب ان والدي وداني لدكاتره كتير عشان يشوف سبب الاغماءات ف جيت رايحه لدكتور نسا والدي فلوسه مكملتش قالي جوزك يوديكي ف عرفته اتخانق انه ممعهوش و انه طمعانه فيه مع ان اهله كانوا مديين له فلوس يوديني لدكتور و بردو سكت و قولتله اني ملزمه منه بكل هدوء و بهدلني فالشارع ».

«جوزي مبيعرفش»

بينماروت سيدة اخرى قصتها: «كل ما انطق يبهدلني ويجرسني فاي مكان وملهوش كبير ولا أهله ولا أهلي، و من اول جوازنا لحد من أسبوعين كنت لسه بنت وكان كل ما يقعد مع حد يعيب فيا إن أنا اللي مبدلهوش فرصه ولا أي حاجه مع اني ببذل كل جهدي و هو مش عاوز يتعب نفسه وأهلي ودوني لدكاتره نساء قالوا إني سليمه وكويسه هو اللي مش بيحاول».

وتابعت: روحت من ورا اهلي معاه لدكتورة نساء عملت عمليه فض غشاء، وجالي نزيف ده السبب اللي تعبت عشانه وروحت بيت أهلي وفضل يغمي عليا فتره من كتر ما حالتي النفسيه مش كويسه، وبعد كده بردو فضل يعيب فيا إنه مش عارف يعمل إيلاج كامل، ولازم ينتقدني خلاني كرهت نفسي وعيشتي كلها.