سيدة تستغيث: «جوزي بيعايرني بشخيري».. وفتيات: «سجليله وهو نايم»

«أقبل يا أدمن عايزة اعرض مشكلتي بدون اسم.. صحيت من النوم لقيت جوزى مسجلي وأنا بشخر وبيسمعني مع إنه هو كمان كان بيشخر.. أعمل إيه قولتله أنت شخص مش أمين وزعلت ومش هنام جنبه تاني وزعلانة فعلًا أعمل ايه؟. عارفة إنها مشكلة تافهة بس انتو بتقولو حلول جامدة من غير تجريح لو سمحتو».

- صفحات موقع التواصل الاجتماعي
تلك هى مضمون رسالة أرسلتها زوجة، وطلبت وضعها دون اسمها، لإحدى صفحات موقع التواصل الاجتماعي «فيس بوك»، والتي تضم نحو 650 ألف متابعًا.

وانهالت عليها التعليقات ما بين الرافضة والساخرة والمطالبة بطلبها الطلاق واصفين بأن هذا فعل لا يليق بزوج من المفترض أنه أمين على زوجته.

- ردود أفعال السيدات
وقالت نور هادي: قائلة: «الموضوع يبان تافه لكنه في الحقيقة جارح ومُهين لو اللي مأمناه على نفسي يعمل فيا كده أومال اللي بره يعملوا فيا ايه»، بينما سخرت أمنية عبدالله: «ما تشخري براحتك وانتي نايمه ولو مش عاجبه ينام في أوضه تانيه أو يعملك عمليه...انا نومي خفيف جدا قبل الجواز أكيد هسأل على الموضوع ده علشان مهم».

بينما علقت دولى صلاح، قائلة: «هي حركة رخمه منه وفهميه براحه إنك زعلتي وأن هو كمان بيشخر، بس انتي بصي للموضوع بايجابية وشوفي ايه سبب الشخير؟».

اقرأ أيضا.. كيف تتخلصين من «شخير» جوزك؟.. طبيب أنف يُجيب

وقالت أشرقت محمد: «استنيه ينام وسجلي شخيره وخليه الصبح يصحى يلاقيكِ بتسمعي شخيره عادي وكده تبقوا خالصين»، وقالت هاجر محمود: «المشكلة مش عند حضرتك المشكله عنده هو لأن اللي بيحب حد بيحب بكل ما فيه ولو هو مدايق من الشخير ده أمر مرضى بيتحل بعلاج انما مينفعش يسجلك حاجه تضايقك وكان ممكن يجيلها لك بشياكه هتكون افضل من كده وربنا يهدى سركم».