قصة كفاح في محو الأمية.. فاطمة هريش بعد منحها وسام الكمال: «مشوفناش عيشة حلوة إلا في عهد السيسي»

وأشارت إلى أنها اشتغلت في الحجر وأعمال البناء من سن 10 سنوات، مضيفة: «انفصلت عن زوجي وتحملت مشوار كفاح لأجل ابنتي، وبعد سنوات رجعت لزوجي مرة أخرى، لكن كنت بدرس وبشتغل علشان اصرف على بنتي رجعت تاني وخلفت بنت ثانية، ورجعت انفصلت فتفرغت لتربيتها، وربنا فتحها عليّا وتبرعت لبناء مسجد ودار مناسبات، وأكملت تعليمي وحصلت على ليسانس اداب».

أضافت الحاجة فاطمة: «قولت لازم أمحي أمية أهل بلدي في الإسماعيلية علشان يقدروا يكملوا مشوارهم، محيت أمية 300 سيدة، وكرموني مسؤولي الإسماعيلية قبل كدة، وقدرت أجوز بناتي وعشت المشوار لوحدي، إلى أن فوجئت باختيار وزارة التضامن الاجتماعي لي كأم مثالية أولى على مستوى الجمهورية، وقتها حسيت ان تعبي مراحش هدر، وأن فعلًا اللي بيجتهد بيلاقي في الآخر».

نصيحة للسيدات
تابعت: أهل بلدي استقبلوني بعد تكريم الرئيس بالطبل البلدي والمزمار، وانا قولتلهم أنا بوعدك هفضل مكافحة علشانكم، بناتي خلاص اتجوزوا ومبقاش ورايا حاجة..

ووجهت نصيحة للسيدات: «لكل ست انتي لازم تكوني بالف راجل مش بـ100 بس، طول ما انتي تكافحي هتبقى ملهمة وتستحق بجدارة، وبوجه كلامي للرئيس السيسي وقرينته السيدة انتصار السيسي، أن اللي بيحصل في عهده فعلًا محصلش قبل كدة، وأن قرينته حاسة جدًا بالمرأة زي ماهو حاسس بينا».