ماذا أفعل إذا اكتشفت خيانة زوجتي لي مع حبيبها؟
نشر رجل متزوج مشكلته مع زوجته عبر منصات التواصل الاجتماعي، ويطلب من رواد تلك المنصات الحل، وفي السطور التالية تكشف «هير نيوز» تفاصيل مشكلة الرجل مع زوجته.
وقال الرجل في شكواه:
السلام عليكم ورحمة الله وبركاته اما بعد ما توقعت اني احكي قصتي هون بس ما لقيت حد افضفض له وصلت لدرجة الانتحار لان لي صار معي ما ينحكى لهيك قررت احكي هون لاني ما حدا رح يعرفني ماذا أفعل إذا اكتشفت خيانة زوجتي لي مع حبيبها انا متزوج صار لي 8 سنوات زوجتي بتقرب لي طبعا تزوجت زواج تقليدي خطبتها ما وافقت اول شيء ضليت روح وارجع لمدة شهرين بعدها وافقت
المهم خطبتها وبعد 4 شهور تزوجنا طبعأ من اول يوم بحياتنا عرفت الامور مو تمام ما اخدت شي بل شي قلت بكرا لقدام بتصير تحبني طبعأ انا ماحبيت ولا مرا كان اول حب الي هي زوجتي المهم اول سنة راحت اجت تاني واجت تالتة واجت الرابعة والخامسة هيك لامن شهر تقريبأ اكتشفت انو كانت تحب شخص قمت وقعتها بل كلام قلتلها حكيت مع فلان لي هو حبيبها قلتلا حكيت معو بأسمك وحكالي كل شي صاير بينك وبينو قالت مستحيل ما صار شي قلت لها والله قال لي كل شيء اذا بدك نطوي هذا الموضوع بدك تحكيلي كل شيء عنك من اول ماحبيتو بعض للان وانا بوعدك نطمر كل شي هون ونرجع احباب اكتر من قبل
المهم صدقتني وبلشت تحكي لحتى بلشت تغمق بل كلام لحين صايرة علاقة بينها وبينو قبل ما نتزوج وبعد ما تزوجنا هون اجتني صدمة بحياتي ما شفت متلها المهم استدرجتها بل كلام وصرت سجلها صوت تاني المهم قعدت تاني يوم الصبح وانا مو انا حسيت حالي عم احلم قلتلها ليش حكيتيلي كل شيء ذبحتيني انتي حرقتيني حرق المهم جبت اهلها سمعتهم التسجيل الصوتي قالوا شو ما بدك نحنا معك بدك طلق طلقها شو بدك جاهزين حماتي قالتلي انا من الصبح ادورلك على عروس اجو اهلها بدهم يقتلوها ما خليتهم قلت لهم بدي ادعي من الله ينسيني ويصبرني
صار لي شهر على هذه الحالة بنسى شوي وبفطن شوي وكل شوي بصحلها بقلها ليش هيك عملتي بتقلي ما عملت كنت عم احكي حكي صارت تنكر قلتلها ان شاء الله احسن صدق انو ما عملتي شي بس عبس ما عم احسن صدق حرقت قلبي حرقت فؤادي كل يوم بقعد لحالي ببكي ببكي مع العلم عندي اربع اولاد منها بس انا خليتها عندي مو منشان الاولاد خليتها لاني بحبها بحبها حب والله اذا بوزعو على كل سكان الارض بيكفيهن كل ما قلها روحي عاهلك بقول بقلبي ياربي ما تروح وشو بدي سوي ما بعرف منشان الله اهدوني علموني عطريقة يا اما انساها يا اما انسا اللي حكته لي لان حياتنا صارت بتقرف حتى انو اعترفت لي انو لهلق بتحبه وما بتحسن تنساه قلت لها وانا قالت كمان بحبك بتظبط انو وحدة تحب اتنين اخ بس الله يعطيني الصبر بس.
وجاءت الردود عليه كالتالي..
يا تتحلى بصفات الرجل القوي او خليك مثلها طلقها واعمل تحليل DNA تأكد من الأطفال من صلبك او لا وليس لها نفقه نهائيا واحتفظ بالحضانة.
هي تعرفه من قبلك ولم يتزوجها ومارست معه علاقة قبل الزواج ولم يتزوجها ومارست معه علاقة بعد الزاوج ولم تتركك هذه انسانه سيئة وخائنه ولا يمكن ان تؤتمن انسى امرها وطلقها ولا تفكر في امرها خاصة انك تقول انك لم تتركها على ذمتك من اجل الاولاد فهذا يعني انه لا يوجد سبب غير انك واقع تحت تاثير الصدمة وغير قادر على اتخاذ القرار السليم انقذ نفسك وطلقها.
لا يوجد امامك اي حل الا ان تتركها فحتى اذا كنت تحبها فهي اعترفت انها لازلت تحب حبيبها ولا معنى لانها تحبك وتحبه في نفس الوقت فهي تحبه لكنها لن تقول لك انها تكرهك لانك تؤمن لها فكرة الزواج ويبدو انه لا يريد ان يتزوجها والا كان تقدم لها وتزوجها قبلك انسى امرها وطلقها.