كيف أتوب عن المعصية وزوجي لا يسمح لي؟

نشرت زوجة مشكلتها على إحدى صفحات الفيسبوك وطلبت من متابعيها تقدم حل جيد لها، حتى تستقيم حياتها الزوجية معه.

وقالت السيدة في شكواها: "السلام عليكم كيف أتوب عن المعصية وزوجي لا يسمح لي انا مش عارفة ابدا منين بس بالله عليكم بدون اي تجريح انا اعصابي تعبانه اوي وحاسه اني هيجرالي حاجه من اللي انا فيه البداية انا متزوجة من ٨ سنين وعندي بنت وولد وبشتغل وزوجي بيشتغل وحالتنا المادية والاجتماعية كويسة جدا بس للاسف انا كنت وقعت ف الغلط من ٥ سنين واعترفت لزوجي وسامحني".

وأضافت: "أنا عاهدت ربنا مش هعمل كده تاني وعاهدته أن مش هعمل كده تاني وهو كمان كان ماشي في طريق غلط لكن اتقينا الله أنا كنت بحاول امتع زوجي في العلاقة بكلام وللاسف ممكن مرة لفيلم عشان الإثارة وبعدها توبت الي ربنا ومعملتش كده تاني ولا أنا ولا هو".

وتابعت: "بعد فترة طويييييلة اوي زوجي فجأة لجأ للافلام ولجأ للتخيلات الجنسية لمحارمه والموضوع بقي بزيادة اوي وانا للاسف كرهت حاجه زي دي ولدرجة ان للاسف خلاني ألجأ لشخص واتكلم معاه واقرب منه لدرجة أن بدأت اتعلق بيه تاني انا بجد تعبانه اوي وزعلانه اوي من نفسي وبعدت كل البعد عن ربنا انا كل ما اتكلم مع زوجي في أن لازم نبعد عن القرف ده فترة يبعد وفترة يرجع تاني".

وواصلت: "انا مبقتش مستحملة القرف ده لدرجة أن لما بيكون عاوز علاقة معايا ولو بعتلي الحاجات دي بعمل نفسي بفتحها والحقيقة أن بمسحها من قدامي علطول عشان مبصش عليها بس بكذب عليه واقول اها شوفتها وانا الحقيقة كارهه كل القرف ده".

واستكملت: "انا بجد مش عارفه اعمل ايه تاني وكرهت نفسي وبدأت اكرهه وقبل كده كنا هنسيب بعض بسبب القرف ده وبرده قالي هتغير وهنبعد عن القرف ده وبرده رجع تاني ارجوكم ساعدوني انا مش عارفة الاقي حل انا اتكلمت مع اخويا وقالي حذريه مرة واتنين ولو أتكرر ابعدي عنه ده مرض واياكي تقعي فالغلط بس للاسف انا بقع واحدة ورا واحدة مش عارف انجد نفسي ارجوكم قولو ليا حل ولو قلت نبعد عن بعض بلاقيه متمسك ومش عاوز يسبني بس انا بدأت اكره نفسي وحياتي وكل حاجه انا نفسي اعيش سليمه نفسي اعيش راضية عن كل حاجه بعملها انا تعبانه اوووي ساعدوني".

وجاءت الردود عليها كالتالي..

ده زوجك في الأول والآخر..جاريه في الحاجة اللي هو عايزها عادي .. يعني مرة مثلي انك امه ومرة اعمليلو دور بنت صغيرة زي ماهو عايز .. وممكن تستشيري طبيب نفسي عن كيف تسحبي تدريجيا من الهوس العنده من غير مايحس برفض منك .. يعني بالعربي بعد ماتلعبي دور الشخصيات اللي هو حابب يكون معاها كيف تكرهي فيها بس.

لا حول ولاقوة إلا بالله جميعنا معرضون للمعصية لكن الله يحب المسلم الأواب اللي حتى لو عمل معصية يرجع يتوب ويندم … قوليله ربنا يعطينا وقت ويسامح مرة واثنين وعشرة لكن بعدها ممكن يبتليه بشي مثل مرض او ظرف قاسي مايقدر يتحمله عشاه يخفف ذنوبه… ذكريه انه نحن مش ضامنين عمرنا لبكرا فتخيل لو مات على معصية والعياذ بالله.. يارب يرزقنا الرضا والمغفرة .. فعلا المعاصي كثرت والإنسان يجاهد في هالدنيا عشان الحلال … والمتعة زائلة مع الوقت … نصيحة لو هو إنسان طيب خليه يروح عند مشايخ او دروس في المساجد او احكي له قصص عن ناس تابوا من هذي الامور..

لا طاعة لمخلوق في معصية الخالق فيجب ان تعلمي انك انسانة صالحة وتريدي الصلاح في حياتك لهذا من الافضل لك ان لا تدمري حياتك باتباع زوجك الفاسد وان تلتزمي بما قررتي ولا تعودي للمعصية فكل انسان مسؤول عن نفسه وانت مسؤولة عن نفسك وتريدي التوبة والنظافة فلا تستمعي لزوجك وتقربي لله عز وجل فهو حسبك

لا حول ولا قوة الا بالله اعلمي يا ابنتي ان الله عز وجل يقبل توبتك لكن عليك ان تتوقفي حتى ان وصل الامر للطلاق فزوجك لا منفعة منه ان كان يفعل المعاصي وانت امراة عاملة ولا تحتاجي له لهذا اخبريه انه ان تكرر الامر انك ستتطلقي منه والتزمي بما فعلتي وصلي وتقربي لله عز وجل فزوجك لن ينفعك ان عصيتي الله من اجله.