موعد حفل زفاف منة عدلي القيعي ويوسف حشيش

تستعد الشاعرة الغنائية منة عدلي القيعي والفنان يوسف حشيش، للاحتفال بزفافهم الخميس المقبل الموافق 12 من يونيو الجاري ، في أحد الأماكن بالقاهرة، ويقتصر الحفل فقط على حضور الأهل والأصدقاء. 

وكانت منة عدلي القيعي احتفلت بخطوبتها على الممثل الشاب يوسف حشيش، في شهر أكتوبر الماضي 2024، وحضر الحفل عدد كبير من نجوم الفن منهم دياب، وزوجته هاجر الإبياري، شيكو، أمير مرتضي منصور، أكرم حسني، كارمن سليمان، كما حضر عدد كبير من الأصدقاء المقربين من خارج الوسط الفني.

عقد قران منة عدلي القيعي 

واحتفلت منة عدلي القيعي، بعقد قرانها على الممثل الصاعد يوسف حشيش، في منتصف شهر مايو الماضي، في حفل عائلي اقتصر على حضور المقربين فقط.

وكانت منة عدلي القيعي قد كشفت عن دعم يوسف حشيش لها في تصريحات سابقة لها قائلة: "أنا بستمد أوقات كتير طاقتي حتى نفسياً أو أي حاجة مش قادرة أكملها من يوسف.. هو أول واحد وبيدعمني دايما بالذات سيزون رمضان اللي فات ده أنا من غيره كنت فعلا هتوه توهان".

آخر أعمال يوسف حشيش

وكان مسلسل "صفحة بيضا" من بطولة حنان مطاوع ونور محمود وأحمد شامي وسامي الشيخ هو آخر الأعمال الدرامية التي شارك فيها الفنان يوسف حشيش.

وكانت قد كشفت الشاعرة الغنائية منة عدلي القيعي، عن معاناتها لمدة 7 أشهر من صعوبة التنفس وتعرضها لنوبات اختناق، وتعرضها لحادث سير لكنها نجت منه.

وكتبت منة عدلي القيعي عبر حسابها على «فيسبوك»: «حكاية ماكنتش ناوية احكيها.. بس هحكيها.. من ٧ شهور وإحنا لسه بنسخن عشان نحضر لشغل رمضان، حسيت بصعوبة في التنفس كانت بتزيد كل يوم إلى أن تحول الموضوع لنوبات اختناق تقريبا.. كانت بتتسبب في تسارع في ضربات القلب توصل لـ ١٨٠ أو ١٩٠ وأوقات كتير الموضوع كان بيطول كنت بحس إني مش هعديها».

وأضافت: «بعد شهر واتنين من الفحوصات والتشخيصات المختلفة جالي نوبة من دول وأنا سايقة وتسببت في حادثة كانت صعبة شوية، راحت فيها عربيتي والحمد لله برضه نجوت منها بإصابات خفيفة وكنا بنحمد ربنا ألف حمد… بعدها الأمور تدهورت أكتر، والنوبات كانت بتوصل لمرتين و٣ و٥ في اليوم الواحد، فيه أيام كنت بوقف عربيات ناس ماعرفهاش في الشارع واقولهم خليكوا معايا من الخوف».

وعن رحلة علاجها قالت: «ابتديت رحلة علاج طبيعي للتنفس وكنت حرفيا بتعلم إزاي اتنفس من الأول، واليوم اللي كنت بتنفس فيه صح لدقيقة متواصل كنت بعيط من الفرحة.. ويوم بيعدي ويوم أحس أنه مابيعديش لحد ما وصلنا لهنا».

وتابعت «منة»: «الـ ٧ شهور دول هما اللي ربنا كرمني فيهم بالأغاني دي… صاحبي يا صاحبي وكل سنة وتقابل حبيب وإلى أخره من الشغل اللي اتعرض في رمضان 25، أغاني منهم اللي اتكتبت وأنا في مستشفي واللي اتكتبت وأنا على جهاز تنفس واللي اتكتبت وأنا بعيط … فيه ايام من الإحباط كنت بفكر أبطل أحاول أخف، بس عمري ما فكرت أبطل كتابة، وكنت بدعي ربنا يكرمني ويجازيني وكنت بكلمه وأقوله يارب وقفني ووقفني على رجلي تاني».

واختتم: «اللهم لك ألف حمد وشكر 7 جوايز حصيلة 7 شهور مروا بكرم الله ولطفه… (فيه جايزتين مش معايا).. شكرا لأهلي وعيلتي وجوزي وصحابي والناس اللي اشتغلت معاهم كلهم…طلعت عنيكوا وقلقتكوا وعملتلكوا إزعاج واستحملتوني… شكرا من كل قلبي».