محمد سامي يكشف لأول مرة سبب اعتزاله إخراج الدراما التلفزيونية

كشف المخرج محمد سامي، عن سبب اعتزاله إخراج الدراما التلفزيونية، بعدما قدم في رمضان الماضي مسلسلي سيد الناس بطولة الفنان عمرو سعد، وإش إش بطولة الفنانة مي عمر.

وقال محمد سامي، خلال مشاركته في ندوة ضمن فعاليات قمة الإعلام العربي: «المبدع محتاج كل فترة استراحة ويبدأ يفكر في اللي هو عمله والمشوار اللي فات، ووصل لإيه، وناقصه إيه، وعايز يحقق إيه، وإيه اللي هيرضيه».

وأضاف: «بعد ما ربنا يكرمك بالنجاح والتوفيق، لو فضلت ماشي على نفس الطريق، هتلاقي نفسك بتقل، لازم تقف وقفة مع نفسك وتفكر فيها اللي هيساعدني الفترة الجاية واعمله».

كان المخرج محمد سامي، قد أعلن اعتزاله الإخراج التليفزيوني، وذلك بعدما قدم هذا العام مسلسلي «سيد الناس» بطولة النجم عمرو سعد، و«إش إش» بطولة الفنانة مي عمر.

ونشر «سامي» منشورًا على صفحته الرسمية على «فيسبوك»، عنونه بـ«وداعا الدراما التلفزيونية»، موضحًا أن «سيد الناس» و«إش إش»، هما آخر أعماله الدرامية في التليفزيون.

وقال في نص منشوره: «السنة دي كانت آخر أعمالي التلفزيونية، واللي فيها بودع المسلسلات، رحلة طويلة حولي 15 سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير ومع شركات وقنوات كلها مهمة، وكان دايما الجمهور بيشجعني، سواء بردود الأفعال أو بتصويته ليا في الجوائز».

وتابع سامي قوله: «أي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، ولكن كنت بنتهي من التزامات موقعة مع شركات ونجوم والحمد لله انتهيت منها وكان آخرها 2025».

وواصل: «معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي، ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده».

واستكمل: «الحمد لله، آخر عملين ليا «إش إش» و«سيد الناس» حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبين ومثقفين ويقدروا يقدموا أفضل من اللي قبلهم، وهنفضل طول الوقت بنقدم أعمال مصرية يلتف حولها الجمهور العربي».

وأضاف: «بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقَ استحسان الجمهور أو إعجابهم، في الآخر الفنان دايما بيجرب والفنون جنون زي ما بيقولوا.