بقلم آية شعراوي: ماتتكسفوش وقولوا لأ
بقلم آية شعراوي: ماتتكسفوش وقولوا لأ.. مع الاحداث اللي بتحصل مؤخرا وهي تبان إنها ظهرت مؤخرا بس هي من زمان اوي والقصص اللي بتتحكي علي لسان ناس كبيره اتعرضت للتحرش والاغتصاب من اقرب ناس ليهم وهما صغيرين تثبت ان الموضوع قديم جدا.
بقلم آية شعراوي: ماتتكسفوش وقولوا لأ.. أنا عارفه كويس بعد الشحنه اللي اخدناها من القصص المفزعه دي احنا حرفيا هناكل اي حد يبص بس لولادنا بصه مش عجبانا وهنبقي في قمة قوتنا وجرأتنا وصوتنا عالي هنوقف اي شخص "غريب" ونحمي ولادنا بدون كسوف او خوف بس عارفه كويس بردو ان هيفضل في حاجز جوانا مع الدايره القريبه اوي مننا الاهل والمعارف وهيبقي في كسوف اننا نقول لا بس محتاجين حقيقي نبدأ نقول لا
.. لا انزلي من علي رجل عمو
لا مش هينفع تباتي عند قرايبنا
لا ابني مش بيدخل عند الجيران يلعب مع ولادهم حتي لو جارتك هتزعل
لا بنتي مبتقفلش الباب عليها وهي بتلعب مع بنت خالتها حتي لو اطفال ..
لا معلش بس ابني ياخد الدرس والباب مفتوح وافضل داخله خارجه عليهم ،
بقلم آية شعراوي: ماتتكسفوش وقولوا لأ
وهكذا مش مطلوب مننا اننا طول الوقت نقول اللي بنعمله بشكل مباشر ونبروز اننا عندنا تخوف من اللي قدامنا لا احنا دا اسلوبنا وانا بعود ابني وبنتي علي سلوكيات معينه حتي مع حد مصدر ثقه ..لقيت بقي الكبير البالغ قدامك معترض علي طريقتك او بيحسسك انك "أوڤر " او ايه دا ازاي انتو مش بتثقوا فينا او حد بيتجاهل طريقتك وبردو بيتعامل مع ابنك او بنتك بشكل انت رافضه لا وقتها قولها صراحة ومتتكسفش "لا انا مش بحب كده ومش بحب ولادي يتعودوا علي كده في المطلق".
بقلم آية شعراوي: ماتتكسفوش وقولوا لأ.. الموضوع مش شخصي معاك بس انا حاطه لولادي حدود وياريت تحترم دا ، بالقصص اللي بتنزل عن رجاله وبنات مش قادربن ينسوا اللي حصل ليهم وهما صغيرين حقيقي ياريت الاهل زمان كانوا بيقولوا لا الاهل كان دايما بيحموا من الغريب وسايبين ولادهم في امان مع القريب بس للاسف مش كل قريب كان امين .... من القصص المرعبه اللي اتحكت واحد كان بيحكي عن تحرش صاحب والده بيه فكان بيقول ان صاحب والده دا كان بيتعمد "يحضنه كتير ويبوسه" قدام باباه علشان لما يعمل دا بعدين معاه الولد يشوف إن دا عادي ما هو بيعمل كده قدام بابا ومش بيزعق !
متخيل الدماغ المريضه ممكن تتصرف بذكاء ازاي علشان تنفذ جريمتها بسهوله .. اسفه علي بشاعه المثال بس فعلا محتاجين نبقي اكتر جرأه مع الدايره القريبه اللي انا عارفه ان دا اصعب جزء في التنفيذ في خططنا والتفكير اللي شغلنا الايام دي ان ازاي هنوقف سلوك من قرايب حوالينا من غير ما يضايقوا او يحسوا اننا مش عندنا ثقه فيهم بس اللي لازم تتأكد منه ك أم وأب خوفكوا علي ولادكم اهم بكتير من خوفكم علي مشاعر اللي قدامك واتمني دايره القريبين السويين يستوعبوا اننا خلاص فَهمنا ولادنا ان الحدود يعملوها في المطلق مش منطقي اقول لطفل دا اه واثقين تقرب منه عادي و دا لا مش واثقين فيه ونلغبط الطفل ، الطبيعي نقوله في العموم يتعامل بحدود علشان يكون الطفل اعتاد علي كده واللي يزعل يبقي مش مقدر خوفك علي ولادك وطريقة حمايتك ليهم متخافوش علي زعل حد ومتتكسفوش تقولوا لا .
متتكسفوش وبلاش تفاوتوا مواقف مش مريحه علشان خايفين تزعلوا حد منكم علي حساب ولادكم واللي مش هيراعي دا ويحترمه ويساعدك كمان عليه يزعل عادي اكيد مش هتشتري خاطر حد علي حساب ان ابنك او بنتك يكونوا عرضه للخطر ولو بنسبة ١٪ .