أول رد من حمو بيكا على قرار وقفه من نقابة المهن الموسيقية

بعد قرار نقابة المهن الموسيقية بوقفه وتحويله للتحقيق، نشر الفنان حمو بيكا عبر حسابه الرسمي على «إنستجرام» تعليقًا مفصلًا، عبّر فيه عن احترامه للقرار وامتثاله له.

وطالب بيكا في رسالته من النقيب مصطفى كامل بأن يتم اتخاذ نفس القرار مع جميع المغنيين الذين يؤدون نفس الأغنية التي تم إثارة الجدل حولها.

وأكد بيكا أن الأغنية التي غناها لم يكن المقصود بها الإساءة لأى من مؤسسات الدولة، مشددًا على أن محتوى الأغنية كان يعبر عن مشاعر الأم التي تخاف على ابنها، مثل أي أم في العالم.

ونفى «بيكا»، تمامًا ما تم تداوله على مواقع التواصل الاجتماعي من تأويلات خاطئة، مشيرًا إلى أن هذا موال قديم.

وأكد حمو بيكا في نهاية رسالته على احترامه الكامل لمؤسسات الدولة، قائلًا: «أنا ابن بلد.. أنا بحترم نقابة المهن الموسيقية وكل قراراتها، وبحترم كل مؤسسات الدولة.»

وقبل أيام قليلة، خرج مطرب المهرجانات حمو بيكا لاعلان تعرضه للسرقة على يد مساعده وذلك بعد عشرة دامت إلى 6 سنوات، موجها نصيحة للمتابعين بعدم إعطاء الامان لأي شخص.

وقال حمو بيكا في منشور عبر حسابه الرسمي بموقع التواصل الاجتماعي فيسبوك: توضيح هام اللي في الصورة ده اسمو خالد سعيد شغال معايا مساعد بقالوا 6 سنين وكان دراعي اليمين في كل حاجه ويدخل بيتي وسط أهلي ومراتي وعيالي ومفاتيح عربياتي وبيوتي بيبقوا معاه ومكنتش بآمن لحد يشيل أي حاجة ليّا غيره، فجأة ظهرت "الخيانة” عمل نسخ على مفاتيح بيتي وطلع وجاب شخص تاني اللي في الصورة التانية ده اسمو حسن فني تكييفات وصحبه من عنده من المنطقة.

وتابع حمو بيكا حديثه: سرق تكييفات وتلاجة وميكروويف وبلاي ستيشن وحجات كتير من شقتي وأنا مش موجود طب ليه !! مع إني ولا عمري أقصرت معاه ولا في شغل ولا في بيته ولا مع أهله وكان بيلبس من لبسي وينام في بيتي وياكل في بيت.

حمو بيكا عن سارقه: خان عشرة سنين وكل حاجة فاجأة

واستكمل حمو بيكا حديثه: خان عشرة سنين وخان كل حاجة وفجأة بدون سبب ساب شغلي ومشي ومدير أعمالي كلمو انو يرجع شغل مكنش بيرد علي تلفون نهائي وطلعت لقيت شقتي مفتوحة بعد فترة لما مشي من شغل  مجاش في بالي لحظه ان هو الي يعمل كده طبعا انا مصدوم من الي حصل، ووجهت إلى قسم شرطة العجوزة ووحدة المباحث مشكورة نزلت فحصت موضوع سرقة خالد..وجالي مسروقات بتاعتي اللي في الصور ولسه في حاجات تانية أنا اتنازلت عن محضر ومردتش أسجنه علشان خاطر والدته وأهله.

واختتم بيكا حديثه موجها نصيحة إلى الجمهور : ياريت يا جماعه محدش يآمن لي أي حد يشتغل معاه لازم يكون واثق في معدنه وأصله، وخالد ده مش شغال معايا ده شخص حرامي وخاين وناس تخلّي بالها منه ولا تشغلوا في أي حتة وحسن فني تكييفات ده ياريت محدش يدخل معاه في شغل.. حسن ده معروف عنه إنه حرامي ونصاب وحسبي الله ونعم الوكيل.