أول تعليق من فرح شعبان بعد انفصالها عن اليوتيوبر علي غزلان

شاركت ملكة جمال مصر السابقة فرح شعبان رسالة صادقة عبر خاصية «ستوري» على حسابها الرسمي بموقع «إنستجرام»، بعد أيام من إعلان انفصالها عن اليوتيوبر على غزلان.

وقالت فرح في رسالتها: «حاسّة إني قضيت وقت كبير أوي من عمري باجي على نفسي علشان أثبت إني صاحبة كويسة، وأخت كويسة، وابنة كويسة، وحبيبة كويسة.. دلوقتي مش عايزة أثبت حاجة لحد، ولو إنت فاكر إني شخص مش كويس كفاية، عادي.. ممكن تسيبني وتمشي، وأنا مش هبص ورايا، ولا عايزة حد يبص ناحيتي.. عشان طاقتي خلصت بجد».

وكان أعلن اليوتيوبر على غزلان انفصاله رسميًا عن زوجته، ملكة جمال مصر السابقة فرح شعبان، بعد زواج استمر عدة أشهر.

ونشر «غزلان» بيانًا عبر حسابه الرسمي على إنستجرام أكد فيه أن الانفصال تم منذ نحو شهر، بعد محاولات للعودة مرة أخرى، لكنها لم تكلل بالنجاح، تم الانفصال والطلاق بيني وبين زوجتي فرح شعبان، الانفصال تم من تقريبًا شهر، يشهد ربنا بعد ما راجعنا بعد أول انفصال إننا حاولنا نعيش مع بعض تاني لكن مقدرناش، فقررنا الانفصال بهدوء بدون أي مشاكل وخناقات».

وأضاف: «هي إنسانة كويسة، ربنا يوفقها في حياتها، وعشان خاطر نفسها وعشان خاطر ابننا، يمكن فشلنا نكون زوجين لبعض، بس أكيد هننجح بإذن الله نكون أب وأم كويسين لابننا، أتمنى احترام القرار ومحدش يكلّمنا في أي تفاصيل، لأننا مش هنتكلم في أي حاجة، وهنفضل ضهر لبعض عشان خاطر رحيم ابننا».