أعشق أخت مراتي ومش عارف أعمل ايه؟.. وردود قاسية
بحب أخت مراتي .. نشر رجل متزوج مشكلته مع زوجته عبر منصات التواصل الاجتماعي، ويطلب من رواد تلك المنصات الحل، وفي السطور التالية تكشف «هير نيوز» تفاصيل مشكلة الرجل مع زوجته.
وقال الرجل في مشكلته: "هل يجوز أن أحب أخت زوجتي فأنا اكتشفت إني بحب أخت مراتي لما اتقدمت لمراتي كانت أختها الصغيرة لسه في سن الدراسة وكانت مشغولة طول الوقت بدراستها و كنت نادراً جداً لما بشوفها وقت ما كنت أثناء الخطوبة بعد ما اتجوزت بفترة أخت مراتي اتخرجت و اشتغلت في شركة سياحة و بدأت تظهر ليا معالم كتير فيها مكنتش واخد بالي منها الأول اكتشفت أنها أكثر جمالاً و جاذبية و لباقة إجتماعية و طريقة تفكير من مراتي و ظهورها في أي مكان له كاريزما كده".
وأضاف: "ده سببلي شعور بالندم إني إزاي مخدتش بالي في الأول من أخت مراتي إزاي غفلت عن واحدة زي دي و أنا لسه بتقدم في الأول مع أني مكنتش بحب أروح مع مراتي الزيارات العائلية لأهلها كتير إلا أني أصبحت حريص جداً الفترة الأخيرة على زيارتهم و طبعاً السر اللي كاتمه إني نفسي أشوف أخت مراتي و أتكلم معاها وعندي شعور غريب نفسي محدش ييجي يتجوزها وبالفعل حزنت جدآ لما عرفت إن حد كان عايز يتقدم ليها رسمي وفرحت بشدة لما عرفت إن الموضوع لم يكتمل وخايف حد تاني ييجي يتقدم ليها".
وتابع: "مراتي نفسها بدأت تلاحظ اهتمامي بأختها وإني بتصل بيها تليفونيا من وقت للتاني للإطمئنان و مهتم بمتابعتها والتعليق على كل صفحاتها في السوشيال ميديا وفي بيننا شات كتير طبعاً أنا بتحجج أنها مجرد علاقات إجتماعية أسرية ومخبي السر اللي بيدور في ذهني إني معجب بجنون بأخت مراتي و أصبحت حرفياً بعشقها لكن خايف أعمل أي شيء ينولني اللي في بالي و مش قادر أبوح لحد باللي جوايا تفتكروا أعمل إيه".
وجاءت الردود عليه كالتالي..
دائما تتكرر العلاقات الغرامية بهذا الشكل بسبب الاختلاط
تعوذ بالله من الشيطان الرجيم ، انت لم تعش معها ولو عشت معها او اختلطت فيها ستجد أنها اسوء من زوجتك او مثل عقلية زوجتك لأنهم من بيت واحد ، زوجتك المسكينه التي تستحق منك كل هذا الحب والتقدير والاحترام
شيطانك ماشي معك . قال اخت مراتي..حسبنا الله ونعم الوكيل. اقطع رجلك عن اهل زوجتك .واحظر السوشيال واتق الله
انا مريت بنفس التجربه مثلك و اكثر كمان ما اقدر احكي لك التفاصيل و هي دلوقت اتجوزت و عندها ولاد
يعني انت مصطفى عن البشر يعني لما مراتك تشوف انو اخوك احسن منك ممكن تحبو وتعشقو متل مانك عامل ولا كل وحدة اجمل من زوجتك لازم تكون الك اتقي الله واحفظ نفسك وارضى بيلي ربك قسملك ياه بترتاح غير هيك رح تخرب بيتك ومارح تطول شي هل تقبل هلشي على زوجتك على اخواتك البنات على بناتك اعقل يارجل هادا الشيطان عبيزينك لمحارمك عيب انك تسر هيك شي