سوزي الاردنية تثير تفاعل بوزن زائد.. وطبيب يكشف السر وراء حالتها الصحية

الثلاثاء 18/فبراير/2025 - 11:08 م

أثارت البلوجر سوزي الاردنية الجدل عقب ظهورها الأخير بزيادة وزن ملحوظة، ما أشعل حالة من الجدل عبر منصات التواصل الاجتماعي، بسبب زيادة الوزن التي أصبحت عليها البلوجر وبدأت التكهنات تذهب إلى تناولها لمواد كيميائية فاتحة للشهية ومنها الكورتيزون، وفي التقرير الآتي تكشف «هير نيوز» من خلال طبيب أسباب الزيادة المفاجئة عند النساء.

هل تناولت سوزي الاردنية الكورتيزون؟

ظهرت البلوجر سوزي الاردنية في فيديو يتضح على ملامح وجهها زيادة وزن ملحوظة، ما جعل رواد منصات التواصل الاجتماعي يتساءلون عن أسباب تلك الحالة المفاجئة. حيث قالت سوزي: "عماله أكل طول اليوم علشان كده تخنت في الفتره الصغيره دي وإني مبخدش كورتيزون زي ما حد قالي".

لكن كشف طبيب لمنصة «هير نيوز» أسباب زيادة وزن سوزي الاردنية بشكل ملحوظ، حيث قال: "زيادة الوزن بتاعت البلوجر والله أعلم ممكن من الأكل الكتير فعلا وأنها كسرت حاجز السعرات اليوميه بتاعها والباقي بدأ يتخزن بمساره الطبيعي في الوقت اللي محتاجه، أو خدت كورتيزون".

فيما يرجح الطبيب أن أسباب زيادة وزن سوزي الاردنية: "بنسبة كبيره عملت زي أغلب البنات اللي بتلجأ لحوار أقراص الكورتيزون ده علشان تتخن ف اتعرضت لما يمسي الـ cushing syndrome، لأن شكل وشها ده من أشهر الأعراض الجانبية للكورتيزون، وده بيحصل لان الجسم بيحبس السوائل والدهون في منطقة معينة في الوش وبيخليه مدور كده وبشكل ملحوظ للي يشوفه".

هل تعاني سوزي الاردنية من زيادة الوزن بسبب الكورتيزون؟

وأوضح الطبيب لمنصة «هير نيوز» عن أن البلوجر سوزي الاردنية ستعاني من عدة آثار جانبية بسبب تناولها للكورتيزون، حيث قال: "توزيع الدهون عندها في منطقة معينة كمان هيتأثر وهي منطقة الرقبه وأعلي الظهر، وبيعمل حاجه تسمي buffalo hump أو حدبه الجاموس زي مابيتقال عليها".

فيما نصح الطبيب بعد واقعة سوزي الاردنية وتناول الكورتيزون: "حلو خديه براحتك بس لازم تبقي عارفة أن استخدام الكورتيزون لفتره كبيره وبجرعات عاليه ليه أعراض فممكن يأثر علي حياتك فعلا، زي ارتفاع ضغط وسكر الدم وهشاشة في العظام وضعف المناعة واضطرابات في النوم وتقلبات مزاجية وضعف عضلات الجسم ومشاكل في العين والمعده".

وأضاف الطبيب: "علشان كده هنقول تاني بلاش كورتيزون لزيادة الوزن .. بلاش حوار الديكسازون ( الكورتيزون) مع الترايكتين ده (كفاتح للشهيه) اللي مفروض برضه ميتمشيش عليه فتره كبيره ده علشان الكبد.. بلاااش، فيه طرق تانيه كتييير طبيعية وصحية لزياده الوزن، بلاش تيجي علي صحتك بمخاطرة زي دي".