مشكلة فتاة: «خطيبي ضربني علقة موت ويطلب السماح».. هل يستحق فرصة؟

وبدأت الفتاة تحكي مشكلتها مع خطيبها، والتي دفعتها إلى التفكير في إنهاء الخطوبة، وتطلب رأي وموقف رواد منصات التواصل الاجتماعي، والمشكلة كالآتي: 

أنا اتضربت حتة علقة في العربية مأكلهاش حرامي في مطلع، قاعدة جنب خطيبي في العربية وتلطيش وأقلام وشلاليط وشتايم وحاجة محبش حد يشوفها، وأنا عمالة اصوت وأقول له بتضربني كده ليه أنا عملت إيه أنا متأخرتش غير ساعة بس، في الآخر محسيتش بنفسي غير وأنا بقلع الدبلة ارميها في وشه وبنزل من العربية في الإشارة وهو بيفتح الباب وبيشتم والناس بتتفرج علينا، روحت البيت، بابا قال لي فين دبلتك، قلت له مش عايزة أتكلم دلوقتي، بابا زق ماما عليا دخلت ورايا في إيه، قلت لها مش هتجوزه، قالت لي والفرح اللي حجزناه والفستان اللي حجزناه والشقة اللي خلصت، قلت لها مش هتجوزه ومحدش يتكلم معايا، مكلمنيش يومها، وطول اليوم يتكلم يتكلم يتكلم، ويبعت في رسايل أنا آسف، أنا غلطان، انا مش هكررها تاني، سامحيني، لحد ما لقيت أمه داخلة علينا وقالت لماما عايزة أقعد معاها، قالت لي أنا بهدلته، ده قليل الأدب مترباش وإلا بنتنا دي حبيبتنا دي قلبنا، بس علشان خاطري سامحيه ونكمل الجوازة ومش هيكررها، مش عارفة اعمل ايه، اعتبرها غلطة وعدت والعلقة السخنة اللي أكلتها دي مش هتتكرر ... ولا اللي قبل الجواز علامة للي بيحصل بعد الجواز؟؟؟". 

اقرأ أيضا..

وكانت جميع التعليقات لها رأى واحد من قبل رواد منصات التواصل الاجتماعي في مشكلة الفتاة مع خطيبها وضربه لها، وجاءت التعليقات كالآتي:

كتبت أميرة رفعت: "علقة وأنتي فبيت أهلك !!! دا مش هيلاقولك جثة يدفنوها لو اتجوزتيه". 

فيما كتبت أسماء عكاشة: "كانت المفروض في لحظتها ردت على أمه وقالتلها اديكي قولتي بلسانك عيل قليل الادب ومترباش أنا اخده اعمل بيه ايه؟ خديه أنتي يا طنط وعلميه الادب وربيه من الاول وبعدين ابقوا اتقدموا لبنات الناس". 

اقرأ أيضا..