زوجة تعيش بعذاب: «زوجي دائم التنمر على شكلي ويحاول يفقدني ثقتي».. ما الحل؟

روت زوجة مشكلتها مع زوجها الذي يتنمر عليها بصفة مستمرة ويحاول أن تفقد الثقة في نفسها عبر منصات التواصل الاجتماعي، حيث بدأت قائلة: "اتصرف ازاي مع جوزي اللي دايما بيعلق على شكلي تعليقات سيئة مرة يقولي أنت بشعة مرة صورك بشعة مرة يقولي محتاجة عملية تتكىسر فيها عظم وجهك ويقعد يتكلم بطريقة مش لطيفة خالص. حتى لما بقوله يصورني مع أولادنا بيمسك الكاميرا ويقعد يزم بشفايفه ويتقرف ويقولي اقفي في حتة فيها ضوء على الله وشك ينور وأما يصور يبص للصور ويقولي يع! متجوزين من ١٠ سنين، في صوت جوه عقلي بيقولي انتى بشعة من كتر ما بيكررها عليا زعلت وعيطت واتخانقت معاه مليون مرة. أنا دايما بشوف حالي قبيحة ودايما بكره صوري وأغلب الوقت بصور الاولاد بس بدون ما اتصور ودايما ثقتي بنفسي مهزوزة مع إني بشتغل بس بالشغل شخصيتي غير لأني ناجحة بشغلي بس قدامه مهزوزة جدا وكمان على طول بيقولي غبية ولا بتستوعبي مع اني مظبطة البيت والأولاد وشغلي وبسوق عربية مش عارفة لو كنت غبية فعلا هل هعرف أعمل كل دول؟". 

اقرأ أيضا.. 

وجاءت تعليقات رواد منصات التواصل الاجتماعي على مشكلة تنمر الزوج عبر زوجته ومحاولة فقدانها ثقتها بنفسها كالآتي:

كتبت أسماء الجزار: "بيحاول يفقدك ثقتك بنفسك عشان متأكد انك أحسن منه عارفة نفس المعاملة دى اعمليها معاه، ولازم لازم يروح لدكتور نفساني على طول". 

بينما كتبت هبة عبد اللطيف: "اللي زي ده تتطلقي منه مفيش سبب يخليكي تتحملي الضرر ده". كتب أحمد سيد: "ده نقص عنده هو وبيحاول يطلعه فيكي عشان هو واثق من جوه أنك شخص ناجح وشاطر، وبالنسبه للجمال ف دي مسألة نسبية بتختلف من شخص للتاني، وأهم حاجه الأخلاق وجمال الروح". 

اقرأ أيضا..