زوج مضطرب: «زوجتي ليست جميلة وأنا غير قادر على تقبلها».. هل الطلاق الحل؟

وحكى زوج مشكلته مع زوجته عبر منصات التواصل الاجتماعي، حيث قال: "السلام عليكم ورحمة الله وبركاته، أنا أعجبت ببنت فى الجامعة وحبيتها وخطبتها أنا شكليا أحسن منها كانت دايما النقطه دى تسببلي ضيقه لما حد يقولى ده أنت أحلى منها، مع الوقت وعلاقاتى فى الشغل قابلت كثير بدأت أحس أنى مشاعرى متلغبطه لكن تمسكت بيها قلت لنفسي أكيد مجرد شعور مراهقه وهيروح على المستوى الشخصى حد محترم وبنت ناس جدا جدا، اتجوزنا من ٥ شهور بعد الجواز بشهرين حسيت أنى مش عايزها خالص مش قادر أعيش معاها بدون سبب حاسس كأنى مش بحبها كأنى حد كان جبرنى على الجوازه وبدأت أحس أنى غلط والمفروض كنت استنيت شويه شعورى أنى معاها هى محترمه وبنت ناس مش علشان بحبها، مش عارف أعيش حياتى وضميرى بيأنبنى هل ننفصل وأعيش حياتى وتعيش هى حياتها بس ازاى ده احنا اتجوزنا يبقى أنا كده اتجوزتها وطلقتها وهى مش تستاهل كده ولا اجى على نفسى وأنا بعمل كده بس كل يوم فى عذاب ياريت الكل ينصحنى أعمل إيه ويحط نفسه مكانى". 

اقرأ أيضا..

وجاءت تعليقات رواد منصات التواصل الاجتماعي على مشكلة الزوج مع زوجته بسبب مستوى جمالها كالآتي:

حيث قالت رنا حامد: "انفصل وخليك صريح معاها عشان هى تستاهل حد يتقبلها بشكلها زي ما هو اللي اكيد مُبهر جدا ليه من غير ما يقارنها لا بنفسه ولا بغيرها ، انت عموما محتاج تتعالج انت واللي حواليك". 

بينما كتب عمرو حسن: "لو فكرت تسيبها مش هتشوف خير باقي حياتك، بنت الناس ملهاش ذنب في شكلها وبعدين أنت متفاجئتش بشكلها أنت تحاسبها علي أخلاقها، وعلي حد قولك أنها إنسانة كويسة فاستعيذ بالله وسيبك من كلام الناس". 

اقرأ أيضا...