فتاة في حيرة: «خطيبي مجبش هدية بأول عيد ميلاد ليا».. هل أعاتبه؟

بدأت الفتاة المخطوبة مشكلتها عبر منصات التواصل الاجتماعي، حيث حدث موقف مع الفتاة وخطيبها بسبب هدية عيد ميلادها، وقالت: "مساء الخير، أنا حابة أعرض مشكلة تخصنى وأتمنى تقولولى هل أنا غلطانة ولا معايا حق؟ أنا مخطوبة من واحد خطوبة صالونات وبصراحة هو راجل معايا أوى وكريم ومش بخيل عليا بأى حاجه خالص، المفروض أنه جيه النهاردة أول عيد ميلاد ليا وهو خطيبي عشان يزورنى بس مجابليش حاجة واداني ٥٠٠ جنيه وهو اعتذرلى أنه مقدرش يجيب حاجه فأنا قولتله مش مشكلة ومش زعلانة أنا كفاية عليا أنك جيت وادتني المبلغ ده كفاية وشوفتك، وهو مش مخليني محتاجة حاجه، بس هو بعد ما مشي ماما قالتلى ازاى ميجبلكيش هديه، وده أقل حاجه يديهالك ٢٠٠٠ أو ٣٠٠٠ جنيه وحد بيدي ٥٠٠ دلوقتي الناس بتجيب موبايلات بالآلاف خاصة لو أول عيد ميلاد معاها فقولتلها أنه مزنوق والشقة واخده فلوسه كلها وهو مش حارمنى من حاجه فمفيهاش حاجه لو استحملته واتعصبت جامد أوى فماما قالتلي أنتي بتدافعى عنه فى الغلط وأنه مبيفهمش ومينفعش تبقي سلبية كده معاه وده حقك وأنا بصراحة شايفة أن ده مش حقى ودى حاجة بتاعته ومادام هو مزنوق أنا استحمل واشيله هو برضو فى الأول والآخر هيبقي جوزى ولازم ادعمه وابقي ضهر ليه مش اخنقه أكتر". 

اقرأ أيضا.. 

وتوالت التعليقات بخصوص مشكلة فتاة مخطوبة عبر منصات التواصل الاجتماعي كالآتي:

حيت كتب محمد الأزاز: "أنتي صح ومن أهم أسباب نجاح العلاقات عمومًا والزواج خصوصًا عدم تدخل الأهل بين الزوجين، لأن المشاكل لو الزوجين قعدوا مع بعض واتكلموا واتفاهموا هتتحل، لكن لو خرجت من بينهم هتكبر ومش هتتحل ولا تتلم، علشان ربنا يباركلك ما تدخليش حد بينك وبين خطيبك أو زوجك عموماً، وربنا يكرمك ويتمم ليكم على خير". 

بينما كتبت منى صالح: "على فكرة ممكن يكون قاصد يعمل كدة عشان أنتي بتقولى أنه كويس وكريم معاكى فممكن قاصد يقصر ويعتذر ويشوفك هتقدرى ولا لا وتستحملى ولا لا، خليكى قد المسؤولية، ومتسمعيش كلامهم والله كويس أصلا أنه افتكر". 

اقرأ أيضا..