أخون زوجي مع صديقه ولا أستطيع التوقف.. ماذا أفعل؟

الخميس 31/أكتوبر/2024 - 06:29 م

وائل كمال

روت سيدة مشكلتها مع زوجها عبر وسائل التواصل الاجتماعي، وطلبت من قرائها حل المشكلة التي تعاني بسببها وتقترب من تدمير حياتها الزوجية.

وقالت الفتاة في مشكلتها: "مش عارفة ابدأ قصتي إزاي بس أنا واحدة متجوزة من حوالي خمس سنين و بحب جوزي على فكرة و مخلفة منه ولد و كانت حياتنا جميلة و مستقرة خصوصاً إن أهلي من محافظة بعيدة عن محافظة جوزي اللي أنا عايشة فيها دلوقت".

وأضافت: "جوزي متعود يجيب مجموعة أصحابه كل فترة بيقعدوا مع بعض في البيت في يوم أجازاتهم من الشغل ويسهروا وكدا لحد الصبح كنوع من الترفيه وده بيحصل كل مدة لحد هنا مفيش مشكلة، لكن من سنة ونصف تقريباً جوزي جتله سفرية شغل لدولة من الخليج العربي بمرتب كويس طبعاً ودخل أعلى مترددش وسافر وسايبني في البيت أنا وابني الصغير".

وتابعت: "طلبت منه أسافر لمحافظة أهلي وأقعد معاهم لحد ما ييجي هو من السفر رفض تماما وقالي أنا بيتي ميتقفلش مرضيتش أخالف كلامه وفعلا فضلت في البيت بتاعنا أنا وابني و من وقت للتاني بيزورني حد من أهلي أو من أهله كل فترة كدا برضه لغاية دلوقتى مفيش مشكلة".

وواصلت: "إنما بدأت المشكلة لما لقيت واحد من أصحاب جوزي قابلني صدفة في الشارع وأنا بجيب مستلزمات للبيت ومعايا ابني الصغير في الأول مكنتش مقلقة هو عارفني وأنا عارفاه كلمني شوية كأنه بيطمن على أحوالي عادي وطلب مني رقم تليفوني عشان لو احتجت أي حاجة والحقيقة كان أسلوبه مهذب أنا مقلقتش خالص واديتله فعلاً تليفوني ومن وقت للتاني كان بيكلمني تليفون أو واتس و في مرة ابني الصغير تعب شوية كنت عايزة اكشف عليه عند الدكتور كلمته جالي بسرعة عند الدكتور و لقيته فعلاً بيساعدني في أمور كتير الحقيقة معرفش ليه زاد معدل كلامنا مع بعض بالتدريج لدرجة بقى ممكن يكلمني اكتر من مرة يومياً ولمدد مكالمات طويلة".

وأكملت: "من كتر ما طريقته معايا ذوق أوي زاد كلامنا مع بعض في حاجات كتير وبقيت أخد رأيه في حاجات كتير وشوية شوية اخدنا على بعض أكتر أوي معرفش إيه اللي خلاني اتسحب ليه أوي كدا و في يوم كنت زهقانة من قعدة البيت لأني مش بشتغل أصلا طلبت منه نخرج مكان كويس عشان نغير جو وكان عبارة عن حديقة واسعة مفتوحة".

واستطردت: "فعلاً قضينا يوم مع بعض وأثناء الخروج حصلت بعض التجاوزات منه معايا بس تجاوزات ينفع تحصل في مكان خارجي، الصراحة لقيت نفسي مش عارفة من جوايا امنعه حتى لو قلتله بلاش كدا لكن جوايا كنت عايزة كدا أوي وهو حس بكدا فكمل برضه اللي بيعمله أنا فعلاً حسيت إني مش قادرة امنعه لأني كنت زي اللي محروم من حاجة وما صدق إنها جتله".

وزادت: " من غير تفاصيل شوية شوية وصلنا مع بعض لدرجة إننا غلطنا مع بعض عالآخر خالص وطبعاً مفهوم قصدي وبرغم إني كنت محتاجة ده أوي إلا أني بعد كل مرة أحس بندم وخوف شديد وأقول خلاص مش هعمل معاه كده تاني لكن كام يوم أحس أني محتاجة ده أوي أرجع أكلمه ويحصل تاني وأرجع بعدها أندم وأخاف وهكذا".

واختتمت: "جوزي طبعاً ميعرفش حاجة خالص ومحدش من أهلي أو أهله اللي بيزورني كل فترة حس بحاجة ومش عارفة أعمل إيه بجد بس أنا فعلاً بين إحساسين عكس بعض، إحساس الحرمان وإني محتاجة ده أوي وبين الندم كل مرة يحصل كده والخوف على حياتي كلها من اللي بعمله ده".

وجاءت الردود عليها قاسية كالتالي..

اقطعي علاقته معه فورًا. غيري رقم هاتفك ولا تتواصلي معه ابداً. لا يوجد صداقة بين امرأة ورجل احذري. صادقي نساء مثلك ولا ترجعي للخلف ابدا. هذا الرجل خطير خان ربه بزنى من متزوجة وخان صديقه الذي كان يضمه اليه بالعلاقة المحرمة مع زوجته.

ولا تقول انها محتاجة دا اوي .... والله اذا ما تبتي و ندمتي ستخسري الدنيا و الآخرة

تعرفي انه عقوبة الزنا للمراة التزوحة الرجم حتى الموت !!.. لا يوجد مبرر للزنا ولا للخيانة اين مخافتك من الله ربنا قادر بقطع نفسك بأي لحظة

انت من الزوجات اللعوبات

ليس شرطا ان كل امرأة لديها علاقات متعدده بأنها سيئة بل كثير منهم على قدر عالي من الاخلاق والتدين لكن اهمال الزوج دفعهن لهذا الفعل.

يجب ان تضعي لصديق زوجك حدودا وتبلغيه ان تبقى علاقتكم للصداقة فقط وليس للمعاشرة.

ان كان صديق زوجك جاد بالارتباط بك فالافضل ان تنفصلي عن زوجك وترتبطي به بشكل رسمي.