بنات

فتاة تشكو: «خطيبي بيكلمني مرة في اليوم».. كيف أتصرف معه؟

الثلاثاء 29/أكتوبر/2024 - 11:07 ص

أيه عدلى

أرسلت فتاة مشكلتها الى أحد مجموعات مواقع التواصل الإجتماعي حيث قالت: أنا اسمى" و. ف " عمرى 20 سنة".

وأضافت في رسالتها : جماعه هو طبيعي خطيبي ميكلمنيش غير مره في اليوم ، وكمان بعد ما اليوم يخلص بيكلمني متاخر اوي ونص ساعه ويقفل.

مع العلم انه شغله في محل براند كبير ومعندوش مدير عليه ، ومعظم الوقت بيكون قاعد فاضي في المحل.

وتابعت: و نادِرًا أن رن بالنهار وخمس دقايق ويقفل، لكن ركني علي أخر الليل، ولما اجي أعاتب يقولي أنا فى شغلي، مع العلم ان في أول الخطوبه كان بيكلمني بالنهار كتير في شغله.

وإختتمت الفتاة مشكلتها قائلة : هل كده في حاجه غلط وانهي معاه ، ولا ادور وراه ولا اكبر دماغي؟

وجاءت بعض التعليقات على هذه المشكلة كالآتى:

أحمد سالم

يمكن مشغول الله اعلم بيه اعرفي ظروفه من الأول ربنا يهديكم لبعض.

Badr Mohamed

التغيير ده بيحصل أوقات كتير في فترة الخطوبة بعد ما الحماس الأول بيهدى، لكن واضح إن ده مأثر عليكِ.

اللي ممكن تعمليه هو إنك تتكلمي معاه بشكل صريح وهادي، من غير عتاب أو ضغط، وتسأليه لو في حاجة مضايقاه أو مشغول بيها أكتر من الأول. يمكن فعلاً يكون عنده حاجات تانية أو روتينه اتغير.

أما موضوع إنك تدوري وراه، فده مش هيحل المشكلة، بالعكس هيزود التوتر بينكم. لو لقيتي إن الردود مش مقنعة واستمر في أسلوبه ده، ممكن وقتها تاخدي قرار بناءً على إحساسك إذا كان الوضع ده مناسب ليكي ولا لا.

Sultan Sultan
الراجل في شغله يعني المفروض تساعديه علشان يبقي احسن مش تقولي كده
وبعدين ربنا بيقول ولا تجسسوا تيجي انتي تقولي ادور وراه
مادام انتي شيفاه محترم يبقي وفري حنيتك دي لبعد الجواز.