كلام ستات

رجل: « أحببت زوجة صديقي ولا اريد خيانته ».. ماذا أفعل؟

الأحد 27/أكتوبر/2024 - 12:52 م

أيه عدلى

أرسل رجل مشكلته الى أحد مجموعات مواقع التواصل الإجتماعي حيث قال: أنا اسمى" أ. م" عمرى33 سنة".

وأضاف فى رسالتة : من فترة كده كنت في زيارة عائلية لواحد صاحبي عريس جديد في شقته ، وكنت أول مره أروح عنده البيت بعد جوازه رايح اباركله عادي ، وكنت واخد معايا هدية وطبق حلويات شيك.

ولما روحت هناك وشوفت مراته لقيتها حلوة اوي أكتر مما كنت متخيل ، هي قعدت معانا طول الزيارة وفضلنا نضحك ونهزر كلنا ونفتكر المواقف اللي حصلت في فرحهم .

وتابع : بس هي كانت بتبصلي بنظرات غريبة من وقت للتاني كل ما اتكلم وتبتسم ابتسامة خفيفة كده .

وواصل مشكلتة قائلاً : طبعا انا خدت الموضوع عادي ونزلت روحت البيت عادي ، بس فضلت ضحكتها وكلامها مش بيفارق خيالي .

وبعدها بفترة مش طويلة اوي لقيتها بعتالي ادد ع الفيس بوك، مع العلم ان جوزها مش صديق عندي على الفيس استغربت الموضوع في الأول بس بعد كده قبلت الأدد ، وبدأنا نتكلم انا وهي في الشات ومعرفش جوزها عارف ولا لأ.

وإختتم قائلاً : بس كلامنا باحترام وأدب مفيش اكتر من كده ، بس انا حاسس اني مشدود لها اوي ومش عارف ابعد عنها وانساها، وفي نفس الوقت حاسس اني بخون صاحبي.

ومش عارف أعمل أيه
قولولي أعمل أيه؟؟؟

وجاءت بعض التعليقات على هذه المشكلة كالآتى:

هاجر فايد

بكرا تتزوج ومراتك تعمل كدا مع صحبك ماهو داين تدان.

Rawda Elshalofy

مش عارف ايه يا عنيا ؟ اتق الله اعملها بلوك او أن فريند اعمل اللي يمنعك تكلمها انت بتعصي ربنا قبل متخون صاحبك.

Khaled Almahroky
العيب مش عليك العيب على اللي صاحب واحد زيك ، وبعدين الصحاب على القهوه مافيش حاجه اسمها ان صاحبى ييجي البيت ويقعد يهزر معايا ومع زوجتي .