فتاة: «أحب رجل متزوج».. ماذا أفعل؟

 أرسلت فتاة مشكلتها الى أحد مجموعات مواقع التواصل الإجتماعي حيث قالت: أنا اسمى" أ. ع " عمرى 22 سنة".

وأضافت في رسالتها : أعمل أيه يا جماعه بحب راجل متجوز ومخلف بس عيلين صغيرين وانا انسه وهو عنده 35 سنة ، هو قالى أنه معجب بيا وانا كمان قولتله  اخر مره  مش بس بحبك دا انا بعشقك و رده أنه قالى وأنا كمان.

فالمهم هو قالى مش هينفع نشوف بعض ولا تكونى قريبه منى ، علشان ممكن أضعف ومش ضامن نفسى وتنهارى بعد كدا وانا خايف عليكى.

 وتابعت : قولتله انا كنت بس عايزه اشوفك قالى يا سلام طاب وبعدين هيحصل ايه ، هو قالى انتى ممكن تيجى مره وتسلمي لكن المره التانيه لو كنت لوحدى مش ضامن نفسى.

 وإختتمت الفتاة مشكلتها قائلة: فأنا مش عارفه انساه بجد ازاى احب  واحد متجوز والله حاولت ابعد عنه تلات شهور مقدرتش ولما بشوفه فى الشغل بروحله وأسلم عليه ، واقوله خليك شويه يقولى انا مش معايا حاجات كتير اخدك معايا فيها والمره التانيه قولتله خلينى معاك قالى بردو ، وابتسم وقالى انتى خلصتى شغل والكلام دا فالمهم قولتله خليك بس شويه قالى أنا خلصت شغل وهروح.

انا مضايقه أوى ونفسي أكرهه ومجريش وراه واتذل كدا .. أعمل أيه ؟

سونه راستا
بلاش اسمعي مني عشان في الأخر انتي هتتعبي و هوا هيرجع لمراته و عيالو.

Nada Ababa
خدى بالك هو مش عايزك وبيخوفك منوا علشان تبعدي عنوا فالأحسن ابعدي ، بدل مامراتو تعلم وتفضحك وتخليكي عبره.

فالأحسن احفظي كرمتك وإشغلي نفسك وصلي وغيري ارقامك ومتدخليش تكلميه، وحطي قدامك وتحتها ميت خط ان الشخص ده مش عايزك وكل الفكره انه بيبوص ليكي بنظره واحد متجوز مش انه هيتجوزك فخافي علي نفسك من الفضيحة ، وبدل ماتظلمي نفسك براجل معاه أولاد واكبر منك وترجعي تندمي ،لان عمره ماهيفضلك على بيتو وعيالو وهتفضلي في نظره وحده سهله وبتجري وراه، شوفي حياتك وإتجوزي حد يستهلك الشيطان محللها دلوقتي لكن بعدين هتقولي ايه اللي انا كنت بعملو ده.

امرأة تشكو: «زوجي بيحب يغيظني ويعاندني».. كيف أتعامل معه؟