زوجة:« وقعتُ في حبِّ مدربي في الجيم» .. ماذا أفعل؟

 أرسلت سيدة مشكلتها الى أحد مجموعات مواقع التواصل الاجتماعي حيث قالت: أنا اسمى" أ. أ " عمرى 40 سنة".

 وأضافت فى رسالتها : أنا متزوجة وعندي طفلين واحد عمره 5 سنوات والتاني 10 سنوات، وأعمل في شركة خاصة. 

مشكلتي بدأت منذ حوالي 4 شهور عندما بدأت التعامل مع مدرب شخصي في الجيم. 

لاني كنت قررت أهتم بصحتي ولياقتي شوية فاشتركت في الجيم واتفقت مع مدرب علشان يساعدني في التمارين.

وتابعت : في الأول، كان كلامنا كله بخصوص التمارين والمواعيد مفيش أي حاجة خارج السياق ومره سألني المدرب احنا  تقابلنا قبل كده في اي  مكان لأن عنده إحساس إنه يعرفني من زمان. قلت له لأ، يمكن حد شبهي في الملامح أو حاجة زي كده. عدينا الموضوع وكملنا التمارين عادي.

على مدار الأسابيع اللي فاتت، كانت في بيننا شوية هزار  وأنا كنت برد عليه دايمًا بشكل محترم ومن غير تجاوزات.

 لكن مع مرور الوقت بدأت أحس بمشاعر تجاهه رغم إني عارفة إن ده غلط تمامًا بس هو شاب وسيم و جذاب وأصغر مني بحوالي 8 سنين، وغير متزوج وبيتعامل معايا بكل ذوق وادب و كمان  باحترافية في التمارين.

لكن ساعات كان بيبعتلي رسائل بعد التمرين بخصوص نصائح أو استفسارات، وكنت بحس إنه بيحاول يكون قريب أكتر.

وواصلت السيدة مشكلتها قائلة : من فترة قصيرة، كنت في إجازة مع عيلتي ومسافرين وقلت له إني هأجل الجلسات لحد ما أرجع. 

سألني بعدها عن الرحلة واتكلمنا شوية، لكن بدأ يلمحلي بمشاعره، وأنا تجاهلت الموضوع وعملت نفسي مش فاهمة.

 بعد كده، بقى كلامي معاه رسمي جدًا وبحاول أقلل التواصل لأقل قدر ممكن.

أمبارح بعتلي رسالة فيها قلوب على واتساب  وأنا تجاهلتها تاني كأني ما شفتهاش.

وإختتمت قائلة : لكن قلبي كان مليان خوف وتوتر أنا بحبه رغم إني عارفة إن ده مش صح وأني متزوجة وعندي التزامات.

بحاول بكل قوتي أحافظ على علاقتي بزوجي وعيلتي وما أعملش حاجة أندم عليها، لكن مشاعري تجاهه مش سهلة.

مش عارفه أعمل ايه؟ ياريت نصيحه منكم.

Amira Youssef
انسان غير محترم وانتي المفروض لما لاحظتي ان في شيء زياده كنتي صدتيه وبطل خلاص، لكن طالما مازال بيحاول ويتمادى يبقى لازم تقطعي معاه ومعنى انك باعته تسألي انك متردده وشكلك ناويه تتبعى خطوات الشيطان افتكرى انه مش عايز منك غير هدف معين وبلاش كمان وبعد كده هيرميكي، يعني هتهيني نفسك وياعالم ممكن يبتزك ويفضحك وبيتك يتخرب وكل ده عشان ايه، فوقي لنفسك وابعدي واحترمي غياب زوجك وثقته فيكي وافتكرى انك أم .



صفاء بمبه

انتي مش بتحبيه انتي بتحبي احساس انو في حد مهتم بيكي.



Khaled EL Nahel
ابعدى تماما و نهائي و بطلى الجيم و ابعتى رسالة انك مش هاتروحى تانى لدواعي السفر، و اعملى بلوك للرقم و غيرى رقمك مؤقتا.



Sherif Farag
أنا بستغرب على الستات بمجرد العشرة حبيتى المدرب امال اجوزتى جوزك ليه ولا علشان فات عليكم 11سنة جواز تقومى تحبى واحد تانى ،اتقى الله وخلى عينك المحترمة متبصش الا على جوزك ابو عيالك..

   

بلاش سكة اللى يروح ميرجعش
أولا المدربة حتى لو أقل خبرة أفضل كتير
ثانياً فيه بلوك وأماكن تانية للچيم
عيالك يستحقوا المحافظة عليهم وعلى سمعتهم ونفسيتهم
أنتى فرحانة بقلة الأدب من مخلوق غير محترم.