جحود زوجة: «عايش غريب فى بيتى ومحدش بيكلمنى من عيالى والسبب زوجتى».. ما الحل؟

عرض زوج مشكلته مع أسرته المكونة من زوجة وبنت وولد عبر منصات التواصل الاجتماعي ليجد حل من قبل رواد السوشيال ميديا، واستهل مشكلته: "السلام عليكم، أول مره اكتب أو أتكلم في مشكلتي الأسرية، متجوز من عام 2001 جوازه صالونات، الخطوبة والجوازه كلها مكملتش سنة وكنا متجوزين، المهم كان في حاجات كتير مبتعجبنيش كنت بعديها وأسكت، ودي أكبر غلطة غلطتها إني كنت بسكت، المهم كانت الحياه ماشيه وخلاص".

وأضاف الزوج: "لحد من حوالي 3 سنوات لما الحالة المالية تدهورت بسبب غلاء الأسعار المتتالي والوضع أختلف والمرتب مش مكفي والواحد مبقاش طايق العيشه معاها، لأنها كانت دايما بتنخور وبتهد في العلاقه بيني وبين أولادي.. عندي ولد وبنت، أصبح الأولاد بيتعاملوا معايا بكل جحود، من ساعة ما الولاد بدأوا يتعاملوا معايا كده والدنيا اسودت في وشي بقيت كاره مراتي جدًا، والعلاقة تقريبا انتهت". 

فيما اختتم الزوج مشكلته عبر منصات التواصل الاجتماعي: "أنا موظف في شركه خاصة، لضيق المصاريف بقيت أشتغل الصبح موظف وبعد الشغل أشتغل أوبر، وعايش في البيت معاهم وتقريبًا، لوحدي لا بكلم حد ولا حد يكلمني، ولما أحب أكلم ولادي أو أقرب منهم، لازم يا اما اجيبلهم حاجة أو اديهم فلوس، مش عارف أعمل إيه وأروح فين للعلم معنديش مكان تاني أعيش فيه لأني مبحبش ادخل حد في مشاكلي بيني وبين أولادي. إيه الحل جزاكم الله كل خير". 

اقرأ أيضا.. 

وبدأت التعليقات تنهال على مشكلة الزوج عبر منصات التواصل الاجتماعي والنصائح أغلبها تمركزت حول الصبر والاحتساب عند الله تعالى، حيث كتبت أولادي نور حياتي: "الصبر والاحتساب عند الله، أصبر على أولادك، ومصيرهم ربنا يهديهم ولو صغيرين يكبروا شوية، ويعرفوا أن الله حق ومنزلة الأب لا تعوض". 

فيما كتبت أم أحمد ونورهان: "زوجتك منها لله، ربنا يهديها وينجينا ويرزقك من وسع، لو زوجتك متعدلتش أقرب حاجة وأسلم حل الانفصال، بعدها أولادك هيعرفوا قيمتك لما تبعد عنهم، لأن رضا الأب من رضا الرب". 

اقرأ أيضا..