وأضافت في رسالتها :  انا وجوزي كنا بنتخانق وشدينا قصاد بعض جامد ، ومع الكلام طلعت مني كلمة انت تحرم عليا لو جيت جنبي او لمستني ، وفي الاخر الخناقه خلصت واتصالحنا وحصل جماع مابينا .

وتابعت: جوزي قالى انتي كده حرام عليكي،  ولازم تطلعي كفارة او تطعمي عشر مساكين.

و ده كله في نفس اليوم اللي اتخانقنا فيه، وجه بعديها بكام يوم قالي طلعي 300جنيه لله او اطعمي عشر مسكاين.

وإختتمت السيدة مشكلتها قائلة: السوال هنا  كدة يبقى بالكلمة الى قولتها يعتبر طلاق ،  طب و لازم أطلع فلوس ولا أعمل اطعام،   ولو هطلع فلوس اطلع قد ايه ؟؟؟ .

وانا كده عليا ذنب عشان قولت كده،   ولا عادي الرجالة بس هي اللي المفروض تقول كده،   بس هو كان بيستفزني جامد فطلع مني الكلام ده.

معلش استحملوني واللي تعرف ترد عليا بالله وبدون اساءة... أفيدوني .

 انتي اصلا ملكيش الحق في الظهار ولا الطلاق .
يعني كلامك اللي قولتيه ملوش لازمه ولا كفارة ولا عليكي شئ.

   

سيد ابو عبد الله
الطلاق والظهار للزوج فقط.



Mohamed Fathy
أنا اسف بس ده جروب مجاله بعيد تماما عن سؤالك روحي الأزهر،   او مركز الفتوى لان مفيش حد هنا مؤهل يرد على حاجة زي دي.



Huda M Ali
الكلام ده لفتاوى الأزهر..
ثم ان الست هى اللى بقت بتقول الكلام دة .. وزوجك هو اللى بيقولك طلعى كفارة😂😂.