شيرين عبد الوهاب تغلق ملف أزمتها مع شقيقها برسالة اعتذار والأخير يرد

في خطوة مفاجأة فاجأت الفنانة شيرين عبد الوهاب جمهورها برسالة اعتذار لشقيقها محمد عبد الوهاب عبر منصة إكس كشفت فيها عن ندمها بسبب خلافها معه وانحيازها لطليقها الفنان حسام حبيب وكتبت معلقة: في ناس كتير مش عارفين سبب الزعل مع اخوايا عشان في يوم خيرني بينه وبين اللي كنت متزواجه ولأن ربنا أمر الزوجة بطاعة زوجها فأنا قررت إني أرضي ربنا

‏بس انت صح وانا اسفة علي كل حاجة قلتها ليا وانا معملتش بيها لاني بعتك بأرخص تمن .. يارتني كنت سمعت كلامك يا غالي.

شقيق شيرين عبد الوهاب يرد على اعتذارها

وبدوره رد محمد عبد الوهاب شقيق شيرين على تلك الرسالة وكتب معلقاً: أولا انتي أختي الكبيرة وأمي التانية، وأنا تحت رجلك، مفيش أم وأخت كبيرة تتأسف لابنها، أنا تحت رجلك وانتي تاج رأسي، أنا بس بعدت عشان أصون كرامتي، والمشاكل مكنتش مشاكلك انتي، كانت مشاكل حد تاني جمبك الله يسهله، المهم عندي إنك تقفي على رجلك وتكسري الوطن العربي كله كعادتك، وانتي بالفعل كسرتي الدنيا، ربنا يحفظك ويحفظ بناتك.

خلاف شيرين عبد الوهاب وشقيقها

يذكر أن الخلاف اشتعل بين الفنانة شيرين عبد الوهاب وشقيقها محمد عبد الوهاب منذ فترة بسبب رفضه علاقتها بطليقها الفنان حسام حبيب ومحاولته إبعادها عنه، واتهمته شيرين بالتعاون مع محمد الشاعر والسيطرة على حساباتها بالسوشيال ميديا وهو ما أدى لتصاعد الأمور بينهما للقضاء.