أرسلت سيدة مشكلتها الى أحد مجموعات مواقع التواصل الاجتماعي حيث قالت: أنا اسمى" أ. ف" عمرى27 سنة".

وأضافت فى رسالتها : أنا متجوزة من 5 سنين وعندي ولدين وبنت ، وجوزي الحمدلله شخص محترم وطيب ومش بيبخل علينا في حاجه.

 المشكله إن مامته دايما تعمل معايا مشاكل برغم انه حنين جدا معاها ومش بيبخل عليها ، بس هي دايما تكسر بخاطري وقدامه تبان انها طيبه معانا بس هي بتكرهني.

وتابعت:  احنا اخدنا بيت جنبها هي عايشه هي واخو جوزي واخته بس حرفيا جوزي اللي شايل البيت عندهم ودي حاجه والله العظيم عمرها ماضايقتني بقول اهله وليهم حق عليه، بس هي بتعمل معايا حاجات كتير وحشة .

اخرهم من اسبوع قولت لجوزي عايزين نخرج اخدني انا والأولاد خرجنا واتفسحنا ، وكان يوم جميل بعد مارجعنا الاولاد راحو عندها مسكتهم سالتهم روحتوا فين الأولاد قالو علي كل حاجه .

وواصلت السيدة مشكلتها : جات عليا متعصبه وقعدت تهزق فيا وتقولي بتبعتري فلوس ابني يمين وشمال انتي اصلا جعانه ومن بيت جعان وفضلت تشتم وانا قعدت اعيط ، واما جوزي رجع ماقولتش حاجه سكت وقبل كده مواقف كتير ، مره كنت جايبه سلسله دهب فضلت تشتم وتغلط فيا واما قولت لجوزي قالها قدامي ياماما دي مراتي وكرامتها من كرامتي ومش مقصرة في حقي قامت قطعته اكتر من شهر.

وإختتمت قائلة : وكانت ترجع الحاجات اللي بيبعتها عندهم ، وفضل يعتذر ويصالح فيها لحد مااتصالحو وانا مش عايزة ده يحصل تاني لان جوزي بيتعب من الزعل ومش بيتحمل زعل مامته، انا مليش حد بابا متجوز وماما متوفيه معنديش الا جوزي وخايفه عليه من الزعل لو قولتله ، وفي نفس الوقت مش مستحمله طريقتها معايا ومش عارفه أعمل ايه..

خدي حقك منها وبعيد عن جوزك.